2 Ịsamụwẹrị 2:26 - IWE ỌNỊNỊ

²⁶ Di Abịna va hị́ Ijowabi dị ọ ka, “Aanị ka aanị ị mẹ̀ vaa kụ̀ ịrẹkụ pooro nị? Wáá yẹ ka yàa maanị aa mẹ, vị ọ vaa mẹ ka ya nyị ẹngụrẹyị hi ẹngụ pooro kẹnẹ nị? O si tù ka wa kà a yị aza awụ ọgọnị ka asị ẹ rẹ kụkụ dụ yị agụvị ka anda ị vị nị.”

2 Ịsamụwẹrị 2:26 ပူးပေါင်းရင်းမြစ်များ

2 Ịsamụwẹrị 11:25

Di Idevidi tụ́ ọnụtụ ọnọọ ohi dị ọ ka ọ̀ kà a yi Ijowabi ka asị o du ayị. Ọ kà ọza ọ mā yẹ ọza ene vee sú ịnị ịrẹkụ. Dị ọ rẹ ka ẹ̀ dà pè ẹkụra ọnọọ dị ẹ wụ̀ wa và ha. Ọ kà ọ̀ vavọọ kà a yi Ijowabi dị ọ sị tụ́ ọ ọtụtụrụma.

2 Ịsamụwẹrị 2:14

Di Abịna hị́ Ijowabi dị ọ ka ọ̀ kụ́ ọmụha ịda anị vẹ, dị ọnị ọ̀ rẹ kụ́ aanị vẹ dị ẹ̀ sị ụvọ kụ́ ịrẹkụ dị ẹnị è re wa. Di Ijowabi ka ọnị ộ dọ, è nyima kẹ.

2 Ịsamụwẹrị 2:16

Dị ẹnịnị gẹ ịrẹkụ, dị ẹ za ẹngụ ịrẹsụ, dị ẹnyị ne ụhwọ ngụ ọsa akaha, dị ẹ hyẹdụ và hi ẹtẹ nị. Dị a kụkụ aa hị́ ịzọọ Ihirikati Ihaihirimi nị.

2 Ịsamụwẹrị 2:25

Di Anịbẹnjamịnị nịnị tenyi ẹngụ dị ẹ jẹẹ ịrẹma Abịna nị. Dị ẹ gà ẹngụ, dị ọzọza sì aha jẹẹ ịrẹsụ ataba ọnọọ ka ẹnị ẹ̀ kụ̀ ịrẹkụ nị.

2 Ịsamụwẹrị 2:27

Di Ijowabi tụ́ ohi dị ọ ka, “maa sị Ohomorihi tẹ ivenu, à yị vị ọnị ụ vavọọ kà ịrẹyị ẹnẹnẹ ụhwọọ, aza amị ẹ yị yaanị aa dị ụ nịnị.”

Ijoovu 18:2

ịzị ọ vaa maanị kụ́ ịrẹka naa tu? Ọ jẹẹ, ọ sị ụtọ pe ẹtẹ, dị ẹnị ẹ kà ịrẹyị yọ.

Ijoovu 19:2

Ịzị ụ vaa maanị sẹ̀ ịrẹka ọnị ụ waa kụ aanị sị ụyaa rị mị naa za, dị ụ wẹ yị zẹẹ ka ma nyị ẹngwọọrọ?

Ahẹ Ụgama 4:2

Ẹwụ nịnị aza ẹnị eyi yẹ, sị ẹ vẹ dị ụ maanị aa kụ̀ mị ụhụ nịnị? Sị ẹ vẹ di evene ọnịrị ireche maanị zee wu nịnị eyi?

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ihoseya 11:6

Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’