2 Ịsamụwẹrị 2:18 - IWE ỌNỊNỊ

¹⁸ Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

2 Ịsamụwẹrị 2:18 ပူးပေါင်းရင်းမြစ်များ

2 Ịsamụwẹrị 1:23

Ịsọọrụ oo! Ijonatani oo! Ẹ́ mè yi yà ẹhẹ ệ sị̀ ayị yị ẹngụ Dị ẹ daka yi sú, ẹ yị hụrẹ ẹngụ ụvọ. Ệ rẹ huna irepe, ẹnịnị ệ nyị ụkata huna idu

2 Ịsamụwẹrị 14:1

Ijowabi ana vi ozi Izeruya ọ sị yẹ ka ịrẹyị Abịsarọmị yà ịnị ayị Idevidi.

2 Ịsamụwẹrị 2:19

Dị ọ kụ́ chire Abịna dị aa dụ ọ nị. Ọ́ màa dụ ọ, ọ yị hyakụ kana eyi ụvọrị àa vị ụvọ ọha.

2 Ịsamụwẹrị 22:34

Ộ mẹ ka mā rẹ anka akọnọ, emee zwe echi ịnị ataba, ọ yị zẹẹ ka à nyị ịsị ẹ mẹ̀ mị.

2 Ịsamụwẹrị 23:24

Aza ẹnẹnị re hi ini isoja ohurẹẹwụ ẹnẹẹ: Asahẹrị ana vị ọyịnyara Ijowabi, Erihanani ozi Idodo ana vị Anịbẹtịrẹhẹmị.

1 Ohinọyị 2:5

Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị.

1 Ịtọpa 11:26

Aza ẹnẹnị ẹ vị ohi-ohi isoja Idevidi nị: Asahẹrị, ọyịnyara Ijowabi, Erihanani ozi Idodo ana vị Anịbẹtịrẹhẹmị,

1 Ịtọpa 12:8

 nyị ẹnị isoja ohi-ohi ana yara kụ́ ịrẹkụ ẹtẹẹtẹrẹ ana hụụnị ovwoovu Igadi na yà pe Idevidi ịzị ọ tẹ̀ ịnị ụnọmị. Ọka ẹ vị ịnị ogonto ọnịrị ọha ọ̀ yị sị kụ ịrẹkụ nị. Eyirẹsụ ẹnịnị vị ana sị mẹẹ anka idu avọọ. Ẹnịnị ệ rẹ́ anka akọnọ ịrẹsụ ataba.

1 Ịtọpa 12:9

Ezeri ọ vị ohirẹsụ ẹnịnị nị. Ọbadaya ọ vị ọgwọhụva anị nị, dị Eriyavị vị ọgwọhụta nị.

1 Ịtọpa 27:7

Asahẹrị ọyịnyara Ijowabi ọ vị ọgwọhụna ana sị eyi pe ụhwẹ ọhụna nị. Izebadiya ozi anị ọ vana dọ ọ ịrẹsụ di o si eyi pe ogu anị ịrẹma anị nị.

Ahẹ Ụgama 18:33

Ộ mẹ ka ma rẹ́ anka akọnọ Emee zwe echi ịnị ataba ọ yị zẹẹ ka à nyị ịsị ẹ mẹ̀ mị.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ahẹ Isoromọnị 2:17

Avọọ ọ mẹẹ̄ yà ịzọọ pooro na ngụ ịjị ahị etumeyọnị aa tụ, dị ẹtẹ ee hweyi nị. Ẹwụ ọnị mị si, waa vaavẹ anka ẹdọ avọọ. Waa vẹ anka ùnè araka ana yà ịrẹsụ ataba ịzị aā hị́ Ịbẹta avọọ.

Ahẹ Isoromọnị 8:14

Ẹwụ ọnị mị maanị sì ịrẹyị anị, wa ka mịị vẹ, anka ozi ùnè avọọ. Wa vẹ anka ùnè ana si hụ tụ ịnị ataba ịzị a kụ́ avị ịsẹpẹ hi avọọ.

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

Ihabaku 3:19

Ẹnẹyịmavara Ochẹtẹẹngụ ọ vị ụkata anị nị. Ọ vaa sị ụkata yị ọnị jẹẹ anka epeni, dị ọnị aa zị ụsẹ ịrẹsụ ataba.

1 Ịsamụwẹrị 26:6

Di Idevidi vẹ, dị ọ va hị́ Ahimẹrẹkị ana vị Anihiti ọnịrị Abisayi ozi Izeruya ana vị ọyịnyara Ijowabi nị. Di Idevidi ka ẹnị aā saasa ọnịị nọ udi Ịsọọrụ. Dị Abisayi ka ọnị aa nọ nị.