2 Ịsamụwẹrị 2:14 - IWE ỌNỊNỊ

¹⁴ Di Abịna hị́ Ijowabi dị ọ ka ọ̀ kụ́ ọmụha ịda anị vẹ, dị ọnị ọ̀ rẹ kụ́ aanị vẹ dị ẹ̀ sị ụvọ kụ́ ịrẹkụ dị ẹnị è re wa. Di Ijowabi ka ọnị ộ dọ, è nyima kẹ.

2 Ịsamụwẹrị 2:14 ပူးပေါင်းရင်းမြစ်များ

2 Ịsamụwẹrị 2:15

Ịzẹyịza dị aza ẹnẹẹ kwẹẹtẹ jẹẹ nị. Di a za aza ẹnị ẹwụrẹva ịrịka hụrị anda Ịbẹnjamịnị ọnịrị Isibọsẹtị ana vi ozi Ịsọọrụ, dị a rẹ vavọọ za aza ẹnị ẹwụrẹva hụụnị aza Idevidi nị.

2 Ịsamụwẹrị 2:16

Dị ẹnịnị gẹ ịrẹkụ, dị ẹ za ẹngụ ịrẹsụ, dị ẹnyị ne ụhwọ ngụ ọsa akaha, dị ẹ hyẹdụ và hi ẹtẹ nị. Dị a kụkụ aa hị́ ịzọọ Ihirikati Ihaihirimi nị.

2 Ịsamụwẹrị 2:17

Ịrẹkụ vị ana a nyayịnẹ nyị anyị ịhị ọnọọ. Dị aza Idevidi sị Abịna ọnịrị aza Anisirẹrị hu ẹtẹ nị.

2 Ohinọyị 14:8

Ẹkụhị ọnya, Amaziya ộ tụ́ ọnụtụ anị nịnị ne tu ohinọyị Ijehowasi ozi Ijehowazi, ozi Ijehu ka ọ̀ọ ka ọnị ộ kata, ọ̀ vẹ ọnịrị ọ ẹ gẹ eyi ịrẹkụ daa re.

Ụhịrẹyị 10:23

Ebira odivi vị ene hine ọnụra ama ebira ịrẹyọyẹ vị ene hine ọnịrẹyọyẹ ayị.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 20:18

Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ.

Ụhịrẹyị 25:8

Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?