2 Ịsamụwẹrị 2:13 - IWE ỌNỊNỊ

¹³ Di Ijowabi ozi Izeruya ọnịrị aza Idevidi kwẹẹtẹ dị ẹ na gẹrị aza Abịna ụtọ okuha Igibiyọnị nị. E mè tù ịzọọ, dị aza Ijowabi yaayịtẹ ụtọ okuha, dị aza ẹnị rẹ yaayịtẹ ụtọ akẹnẹ okuha ọnọọ nị.

2 Ịsamụwẹrị 2:13 ပူးပေါင်းရင်းမြစ်များ

2 Ịsamụwẹrị 2:18

Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

2 Ịsamụwẹrị 20:23

Ijowabi ọnị vị ọga avaba isoja Anisirẹrị, di Ịbẹnaya ozi Ijehoyada ọnị si eyi pè aza ene ee sere Idevidi nị.

2 Ịsamụwẹrị 20:8

Ẹnịnị e ne si tù ịrẹta ọbanyị ana yà Igibiyọnị dị Amasa na gẹrị wa ịzọọ nị. Ijowabi ô chire awuru anị, dị ọ sị ụhwọ anị tụ́ ịnị ahaba, dị ọ hara tụra awuru anị nị. Ọ mẹ̀ jịnẹ aa na dị ụhwọ ọnọọ sị hụrẹ nị.

2 Ịsamụwẹrị 23:24

Aza ẹnẹnị re hi ini isoja ohurẹẹwụ ẹnẹẹ: Asahẹrị ana vị ọyịnyara Ijowabi, Erihanani ozi Idodo ana vị Anịbẹtịrẹhẹmị.

2 Ịsamụwẹrị 8:16

Ijowabi ana vi ozi Izeruya ọ vị ọga isoja nị. Dị Ijehosahwati ozi Ahirudi ọnị vị ọchẹrịsa ana chẹrẹ ịrẹyị ana aa mẹ eyinị-eyinị nị.

1 Ohinọyị 1:7

Adonija o ne pè Ijowabi ozi Izeruya ọnịrị Abiyata ohirẹsụ irehi Ohomorihi gẹ eyi Dị ẹnịnị sị ọtụ kà a ịrẹma nị.

1 Ohinọyị 2:5

Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị.

1 Ịtọpa 11:6

Idevidi ộ kà a yị Anisirẹrị ka, ọnịpaapa ana àa wụ Anijebusi ọnya, ọ vaa vị ọdọvịdị isoja anị nị. Ijowabi ozi Izeruya ọ va vị ọnịpaapa ana mẹẹ nị, dị a sị ọ mẹ ohirẹsụ isoja nịnị nị.

1 Ịtọpa 2:16

Ẹnịnị ệ nyị ẹyịnyara anẹẹ ana aā hị́ Izeruya ọnịrị Abigẹrị. Izeruya ộ ma ezi anọrụ ẹẹta ana aā hị́ Abisayi, Ijowabi ọnịrị Asahẹrị.

1 Ịtọpa 27:7

Asahẹrị ọyịnyara Ijowabi ọ vị ọgwọhụna ana sị eyi pe ụhwẹ ọhụna nị. Izebadiya ozi anị ọ vana dọ ọ ịrẹsụ di o si eyi pe ogu anị ịrẹma anị nị.

Ijeremaya 41:12

Dị ẹnịnị kú hi Isimẹrị nị. Ệ na saasa wa ọ sị gụrị imisi ana yà ẹtẹ Igibiyọnị.

1 Ịsamụwẹrị 26:6

Di Idevidi vẹ, dị ọ va hị́ Ahimẹrẹkị ana vị Anihiti ọnịrị Abisayi ozi Izeruya ana vị ọyịnyara Ijowabi nị. Di Idevidi ka ẹnị aā saasa ọnịị nọ udi Ịsọọrụ. Dị Abisayi ka ọnị aa nọ nị.