2 Ịsamụwẹrị 2:12 - IWE ỌNỊNỊ

¹² Ụmẹ ọnya dị Abịna ozi Ineri ne beri aza Isibọsẹtị ana vi ozi Ịsọọrụ kwẹẹtẹ hụrẹ Imahanayimi dị ẹ nọ Igibiyọnị nị.

2 Ịsamụwẹrị 2:12 ပူးပေါင်းရင်းမြစ်များ

Oyinyima 32:2

Ijekọvụ mè re wa dị ọ ka: Anggẹẹrị Ohomorihi nịnị ẹ ku udi tu ịzẹnị nọ. Agụvị avọọ di Ijekọvụ aa hị́ ịzọọ Imahanayimi nị. Imahanayimi vị udi ẹẹva ịnị ẹkụra Anihiburu.

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

2 Ịsamụwẹrị 2:8

 nyị ọnọrụ ọnya aanị ana aā hị́ Abịna ana vi ozi Ineri. Ọnọrụ ọnọọ ọ vị ọga isoja Ịsọọrụ, dị ọ sị ọ vẹ ịzị aā hị́ Imahanayimi nị.

Ijosuwa 10:12

Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni.

Ijosuwa 10:2

Ịjị Adonizedeki ọnịrị aza maanị wụ́ kẹnẹ, dị angwa ngụ wa ẹngụ agụvị ka Igibiyọnị vị ẹkụra ọdẹngụ. Ọnị ọ banyị hụụnị Eyayị ọnịrị ẹkụra ana vọ ana nyị ohinọyị nị. Anigibiyọnị nịnị vị ọkụrẹkụ ọkụmị-ọkụmị.

Ijosuwa 10:4

Adonizedeki ọ́ hị́ wa ka e beri ọnị wụ́ Anigibiyọnị ha agụvị ka ẹnịnị ẹ ra va ụvọ beri Ijosuwa ọnịrị Anisirẹrị.

Ijosuwa 18:25

Ịrẹha ẹkụra ẹsa ana ya ịnị ẹtẹ ọnọọ ẹ vị Igibiyọnị, Iraama, Ịbẹẹrọtị,

Ijosuwa 9:3

Ịjị Anigibiyọnị wụ́ ịsa ọnị Ijosuwa mẹ̀ Anijeriko ọnịrị Aneyayị nịnị,

1 Ịsamụwẹrị 17:9

Òo zụ pe mị kụ̀ ịrẹkụ di o huna mị nị, dị ị kụkụ vị ọrịhị awụ nịnị. Àa rẹ vị ẹma nyị ụkata hu ọ dị mị wụ̀ ọ nị, dị ẹwụ nịnị rẹ vị ọrịhị ẹyị, dị waa mẹ ụkọrọọ yị nịnị.”