2 Ịsamụwẹrị 19:9 - IWE ỌNỊNỊ

⁹ Dị ẹ ka, “Ohinọyị ọ raà dọ yị hụụnị ụvọ ọnịvị ayị. Ọnị ọ dọ yị tụ́ hụụnị ụvọ Anihwirisiti nịnị nị. Ama ohinọyị o si zwe hụụnị ẹkụra booro aanị agụvị ịrẹyị Abịsarọmị.

2 Ịsamụwẹrị 19:9 ပူးပေါင်းရင်းမြစ်များ

2 Ịsamụwẹrị 15:14

Di Idevidi wụsẹ hị́ avaba ezi ahụ anị ene hi Ijerusarẹmị pè e, dị ọ ka vẹ vị yee zwe nịnị ka à yị vị avọọ ẹ yị nyị ọza ayị ana aa haa hụụnị ụvọ Abịsarọmị. Vẹ ya wusee zwe buru-buru ka à yị vị avọọ ọ̀ọ saasa ayị, ịrẹyị odivi vee tù yị. Vị aa sị ụhwọọ wụ̀ anẹkụra ọnọnị ha nị.

2 Ịsamụwẹrị 18:17

Dị ẹ sị Abịsarọmị di e ne e ngụ imisi ọbanyị ọnya ana yà ini iriku ọnọọ, dị ẹ hara ịrẹta kú ọ nị. Ịjọnọọ avaba isoja Anisirẹrị e kú zwe zị nọ eehi ẹnịnị.

2 Ịsamụwẹrị 19:10

Abịsarọmị ọnọọ ọnị nyị ka ọ vị ohinọyị ayị, oni ô wusu ịnị ịrẹkụ. Sị ẹ vẹ dị waa mẹ kẹẹkẹrẹ nịnị dị wẹ̀ yị na sị Idevidi ohinọyị vavẹ nịnị?”

2 Ịsamụwẹrị 19:40

Ohinọyị ọ sị jịnẹ na ngụ Igirigari, di Ikimihami saasa a nị. Avaba Anijuda ne beri achẹva Anisirẹrị ệ sị ohinọyị na tụ́ na jịnẹ Okuha Ịjọdanị.

2 Ịsamụwẹrị 22:44

Ọnịvị amị ệ kwẹẹtẹ tù mị, ama ẹwa sị mị dọ tụ́. Wa raà mẹ ka ma rị ohinọyị tụ́ ịrẹsụ ẹnẹ ẹ̀ yẹ wụ. Aza ẹnị mẹ̀ yị yẹ da, ẹ sị vara ezi ahụ amị.

2 Ịsamụwẹrị 5:20

Di Idevidi ne tù Anihwirisiti Ịbaarị-Iperazimi nị. Di o hú Anihwirisiti nịnị ẹtẹ éyi ịrẹkụ ịzọọ nị. Di Idevidi ka éyi mẹ̀ẹ chakaa kú aha avọọ, avọọ Ẹnẹyịmavara mẹ̀ ya eyi anị chaka kú ọnịvị anị nị. Agụvị avọọ dị a kụkụ aa hị́ ịzọọ “ọga ộ chaka kú wa” nị.

Ahẹ Ụgama 18:43

Ọnịvị amị ệ kwẹẹtẹ tù mị ama wa sị mị dọ tụ́ Wa raà mẹ ka ma rị ohinọyị tụ́ ịrẹsụ aza ẹnẹ ẹ̀ yị yẹ wụ Ma sị vara ohinọyị tụ́ ịrẹsụ aza ọnị mẹ̀ yị vịdị yẹ.

Ọyịkụra 32:24

Dị mị va kà a yị wa ka ọza ana aà nyị ochirụtọ ana a sị igooru mẹ ọ̀ kụ́ ọ vẹ nị. Ịzẹyịza dị ẹ kụ́ igooru ẹnịnị va mị nị. Dị mị kụ́ ọ va hi ịra, dị ahịka imaaru ọnọnị ọ vana jịnẹ vẹ nị.”

1 Ịsamụwẹrị 17:50

Idevidi ọ raà sị ọnanta ọnịrị ịrẹta huna Anihwirisiti ọnọọ, o mè ne ịrẹta na za a, ọ sị ọ wụ. Idevidi ọnị ọ yị nyị ụhwọ rị ụvọ.

1 Ịsamụwẹrị 18:25

Dị Ịsọọrụ ka ẹ̀ na kà a yi Idevidi dị ẹ̀ kà a ka, “Ohinọyị, o yi sì ẹkẹhị ịrẹsụ. Ịsị ee sì kẹnẹ ọ vị ka ọ̀ na wụ̀ Anihwirisiti ẹchẹhị, dị yẹrẹ ụpa ene ku wa aha enyisi, dị ọ̀ kụ ọ va yị ọnị. Ohinọyị ka avọọ oni mee sì ka oni ò si Anihwirisiti ana vị ọnịvị anị atọ nị.” Ịsị Ịsọọrụ ee sì ọ vị ka Anihwirisiti nịnị è re oze wụ Idevidi.

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”