2 Ịsamụwẹrị 19:8 - IWE ỌNỊNỊ

⁸ Ịzẹyịza di ohinọyị kwẹẹtẹ dị ọ na yaayịtẹ ènoze ẹkụra nị. Dị avaba aza aa kà a ka, “wéē re, ohinọyị ọ yaayịtẹ ini oze ẹkụra aanị nọ!” Dị avaba aza vẹ dị ẹ va jẹẹ pè ohinọyị ịzọọ nị.

2 Ịsamụwẹrị 19:8 ပူးပေါင်းရင်းမြစ်များ

2 Ịsamụwẹrị 15:2

Abịsarọmị vị anaā kwẹẹtẹ ẹnẹnẹ viri-viri dị ọ na jẹẹ ụtọ oze ịzị a zịị nọ ịnị ẹkụra. Ọ̀ọ vavọọ jẹẹ ịzọọ dị a nyị ọza oni o re ene ee sì ka ọnị ọ̀ sị ịrẹyị ọza ọnị ọnịrịị kụ́ va tụ̀ ohinọyị ịrẹka dị ọ̀ mẹ̀ ọkarẹyị tụ́ ọ nị, dị Abịsarọmị hị́ ọ. Ọ́ọ vavọọ sị ọ hị́ vẹ, dị ọ họ̀ ọ ka ye re ẹkụra ọnị ọ hụrẹ vẹ. Dị aza ẹnẹẹ rẹ ká a yọ ka ịrẹsụ ọnya ẹnị rẹ vị ini Anisirẹrị nị.

2 Ịsamụwẹrị 18:17

Dị ẹ sị Abịsarọmị di e ne e ngụ imisi ọbanyị ọnya ana yà ini iriku ọnọọ, dị ẹ hara ịrẹta kú ọ nị. Ịjọnọọ avaba isoja Anisirẹrị e kú zwe zị nọ eehi ẹnịnị.

2 Ịsamụwẹrị 18:24

Idevidi ọnị vị ana yaayịtẹ ịnị akakana oze ẹẹva ene e si gù oze ana ngụ ịnị ẹkụra. Di oserẹtẹ ọnị zi oze ịnị ọvọ dị ọ hịrẹ nọ ịrẹsụ irehi nị. Oserẹtẹ mẹ̀ kana eyi, di o re ka ọza ịnya ee zwee vẹ nị.

2 Ịsamụwẹrị 18:4

Di ohinọyị kà ọnị vaa mẹ̀ ịsa tụra ịsa ọnị ẹ̀ẹ kà ô zee ẹnị eyi huu kẹnẹ. Di ohinọyị jẹẹ akaha ukere oze ẹkụra, di isoja ẹnẹẹ tara aa jịnẹ tụ ẹhẹ ịnị ogu ọnị ẹnyị vị ẹnị ẹchẹhị, dị ẹnyị vị ẹnị akawụ nị.

2 Ịsamụwẹrị 19:3

Ịhị ọnọọ dị ahịka vị aza ẹnẹẹ tangwa-tangwa va ngụ ịnị ẹkụra anka isoja ene e tụ́ éyi ịrẹkụ mẹ̀ẹ vakaa zị avọọ nị.

1 Ohinọyị 22:36

Ịnị ụmẹ oruva, ọyị màa ngụ ẹtẹ, di e vene nowu udi ịrẹkụ dị a ka, “Ọza-ọza ọ̀ọ nọ ẹkụra anị oo, dị ọzọza òo nọ eehi anị!”

2 Ohinọyị 14:12

 nyị ẹbẹẹba isoja Amaziya, dị avaba ẹnịnị zwè aa nọ eehi ẹnịnị nị.

2 Ohinọyị 8:21

Ijehorami ọnịrị avaba aza anị anaā sịị ụkẹkẹ ịrẹkụụ kụ̀ ịrẹkụ ệ nọ ịzị aā hị́ Ịzaya. Ịrahụ dị ẹ kwẹẹtẹ ka ẹnị kụ ịrẹkụ ne tu Anedomi nịnị nị. Isoja Anedomi nịnị ệ họ̀ kara wa, dị ahịka vị ọnịrị isoja vụrị zwe hụụ ịzọọ, dị isoja anị ọzọza zwe nọ eehi ẹnịnị nị.

1 Ịsamụwẹrị 4:10

Ịzẹyịza dị Anihwirisiti nyayịnẹ kụ̀ ịrẹkụ, dị ẹ rẹ sị Anisirẹrị huna nị. Dị avaba isoja Anisirẹrị ana vọ kú zwe nọ udi ẹnịnị nị. Isoja Anisirẹrị ana a wụ̀ ộ rụrụ ẹtẹẹtẹrẹ. Ẹnịnị ệ gụ akawụ-akawụ oze ẹwụrẹhị.