2 Ịsamụwẹrị 19:43 - IWE ỌNỊNỊ

⁴³ Di Anisirẹrị tụ́ Anijuda ohi dị ẹ ka, “Ya zụ kà a tù oze ẹẹwụ ẹnị ẹyịrị Idevidi ohinọyị zị gụrị ẹngụ huna wụ nịnị. Sị ẹ vẹ dị wụ maanị sị eyi wụ yị nịnị? Wáá yẹ ka ẹyị a va na vịdị kà a ka à na sị ohinọyị vavẹ eehi nị?” Dị ahịka Anijuda nịnị ẹ yaa kà geri-geri huna Anisirẹrị nịnị nị.

2 Ịsamụwẹrị 19:43 ပူးပေါင်းရင်းမြစ်များ

2 Ịsamụwẹrị 19:14

Ịrẹyị ọnọnị ộ mẹ̀ ka avaba Anijuda nịnị ẹ̀ nyị aro ọnya. Dị ẹ tụ́ na kà a yi ohinọyị ka ọnị beri avaba ezi ahụ anị ẹ̀ vavẹ eehi nị.

2 Ịsamụwẹrị 19:9

Dị ẹ ka, “Ohinọyị ọ raà dọ yị hụụnị ụvọ ọnịvị ayị. Ọnị ọ dọ yị tụ́ hụụnị ụvọ Anihwirisiti nịnị nị. Ama ohinọyị o si zwe hụụnị ẹkụra booro aanị agụvị ịrẹyị Abịsarọmị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 20:6

Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”

2 Ịsamụwẹrị 5:1

Ẹkụhị ọnya dị avaba Anisirẹrị ve tù Idevidi Íhebirọnị nị. Ẹ́ mẹ̀ vẹ dị ẹ ka, “Wâ yẹ ka anda awụ ị vị nị.

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 18:19

Wàa mẹ ọgụvọ yị ọnọhụva awụ, ó vee sere wụ anka ọvọ ana jị kara ẹkụra avọọ nị. Ama ịrazị vị anaa ha azaa hi anka oze ovwoovu ana sị enyusẹ chire avọọ.

Aniroomi 12:21

Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!

Anigaratiya 5:15

Ama wàaa na ẹngụụ ha, dị waa jị ẹngụụ ịrẹrụ nịnị anka irezi avọọ nị, sị eyi pe ẹngụ awụ nịnị ka ụ va wụ ẹngụ nịnị!

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

Anigaratiya 5:26

Asị ị rẹ̀ mẹ eyi kẹnẹ-kẹnẹ, asị ị rẹ̀ rẹ mẹ ayị kụ́ ẹngụ, dị asị ị rẹ̀ kụ̀ ụhị!

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

Ijemiisi 1:20

Ọyịkụ ọ mā zẹẹ ka ọza ọ̀ mẹ̀ ịsa ana vọrọ oni Ohomorihi sì.

Ọdọvịdị 8:1

Ịrẹkụ ọnọọ mẹ vavọọ aa naa, dị Anehwireemi nịnị ve tu Igidiyọnị dị ẹ họ̀ ọ use ka, ebira ịsị ọ mẹ hi ẹnị aanị? Ịsị ẹ vẹ dị ẹ hị́ ẹnị dị ẹnị ẹ na gụ wa ụvọ kụ ịrẹkụ? Anehwireemi nịnị ẹ zyaazị hi Igidiyọnị ẹtẹẹtẹrẹ.

Ọdọvịdị 9:23

Dị Ohomorihi mẹ ka Abimẹrẹkị ọnịrị Anịsẹkẹmị ẹ va eyi ịrayị ka ẹngụ. Dị ẹnịnị tana ụvọ za Abimẹrẹkị ẹtẹẹtẹrẹ nị.