2 Ịsamụwẹrị 19:39 - IWE ỌNỊNỊ

³⁹ Avaba aza ẹnẹẹ ẹ sị jịnẹ Okuha Ịjọdanị. Ohinọyị ọnị ọ rẹ sị jịnẹ. Di ohinọyị za Ibarizirayi di o kú o irenu, dị ọ mẹ̀ aduwa yọ, di Ibarizirayi sị varẹma aa nọ eehi anị nị.

2 Ịsamụwẹrị 19:39 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 31:55

Ẹnẹnẹ viri-viri eyinẹhẹ anị, di Ịrabanị kwẹẹtẹ dị ọ hara aazị anị ọnịrị ezi anị, kụ́ ayị dị ọ kụ́ wa nyaatụ, di o si hu di aa nọ eehi nị.

Oyinyima 45:15

Di Ijosẹẹhụ hara avaba ẹnẹbẹnị anị kú ayị ọnya-ọnya, dị ee sụ ùnè nị. Di ẹnẹbẹnị anị kuku ee pè e kà ịrẹyị nị.

Oyinyima 47:10

Di Ijekọvụ kụ́ Ihwarawo, dị ọ hụụ ịzọọ nị.

Oyinyima 47:7

Di Ijosẹẹhụ rẹ sị Ijekọvụ ada anị na zụ̀ Ihwarawo nị. Di Ijekọvụ kụ́ Ihwarawo nị.

2 Ịsamụwẹrị 13:25

Di ohinọyị ka yị Abịsarọmị dị ọ ka, “Ozi emi naavọ, asị avaba ayị va vị ẹnya tụra awụ.” Abịsarọmị ộ da ịpẹ yọ pooro ama ohinọyị ka ọnị ọ yị nọ. Dị ahịka vị ọ mẹ̀ aduwa yị wa kẹnẹ nị.

2 Ịsamụwẹrị 14:33

Ịzẹyịza di Ijowabi ne tù ohinọyị dị ọ kà a yọ nị. Di ohinọyị va tụ́ na hị́ Abịsarọmị, di Abịsarọmị ne tù ohinọyị nị. Ó mè ne tù ohinọyị, dị ọ tana tụra ẹtẹ kụ́ ọ nị. Di ohinọyị za Abịsarọmị di o kú ọ irenu nị.

2 Ịsamụwẹrị 19:38

Di ohinọyị ka, “Ẹ̀hẹẹ, Ikimihami ọ̀ saasa amị na. Ịsị èe zee wu eyi mị vaa mẹ̀ ẹ yọ. Ịsị ewu è re sì, mị vaa mẹ̀ ẹ wụ.”

2 Ịsamụwẹrị 6:18

Ịjị Idevidi vavọọ sị ịsọvọ ẹnẹẹ mẹ, dị ọ ka Ẹnẹyịmavara Ochẹtẹẹngụ ọ̀ navọ ò zee yị aza ẹnẹẹ nị.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

1 Ohinọyị 19:20

Di Erisa navọ ịsụpa ẹnẹẹ hi ẹtẹ, di ee zwee dụ Erijaa na nị dị ọ ka, “Aarịhịnị jẹẹ ma na kụ́ ada amị ọnịrị ọnyị amị adihyọsa dê, di ma vaa dụ wụụ vẹ!” Di Erija tụ́ ohi dị ọ kà, “Varẹma wa na, áá nyị ịsị mị sị mẹ wụ?”

Ịrịka 24:25

Ịjị Ịbaraamị raà ka ịrẹyị anị ta, dị a na eehi, dị Ịbarakị ọnị raà na eehi anị nị.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Odeyi 20:37

Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị.

1 Anịtẹsaronika 5:26

Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị.

Iruutu 1:14

Di e re nyima aā tụ́ orere boro-boro nị. Dị Ọpa za ọnyị ọva anị kú ayị, dị ọ kà ọ̀ nyaatụ nị, ama di Iruutu yi ka ọnị ọ yị para ọnyị ọva anị hu nị.

1 Ịsamụwẹrị 24:22

Ịzẹyịza di Idevidi vavọọ hị́ eku yị Ịsọọrụ nị. Dị Ịsọọrụ sị varẹma aa nọ eehi, di Idevidi ọnịrị aza anị ẹnị re si hu aa nọ ịzị ẹ vịdị tẹ tụ́ nị.