2 Ịsamụwẹrị 19:28 - IWE ỌNỊNỊ

²⁸ Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

2 Ịsamụwẹrị 19:28 ပူးပေါင်းရင်းမြစ်များ

Oyinyima 32:10

Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị.

2 Ịsamụwẹrị 14:17

Dị ọnẹẹ rẹ ka, “Taarụ, mê ro ka ịrẹyị awụ vaa sị ayị amịị nẹtẹ. Mâ yẹ ka vị ụ sị mẹẹ anka anggẹẹrị Ohomorihi avọọ nị. Wâ yẹ ịsa ozoza ọnịrị odivi. Ẹnẹyịmavara ana vị Ohomorihi awụ ọ̀ yà beri ewu.”

2 Ịsamụwẹrị 14:20

Ijowabi ozida awụ ọ kà avaba ịrẹyị ọnịnịị mị ka ma vavọọ va kà a wụ nị. Ijowabi vị ana maanị va kà ka ịsavọọ ịsị aa na aanị ọ̀ zụ vara. Taarụ, mâ yẹ ka wâ yẹ ịrẹyị anka anggẹẹrị Ohomorihi avọọ. Ẹ yị nyị ịsị aa na ịnị ẹtẹ ọnọnị ọnị wẹ̀ yị yẹ.”

2 Ịsamụwẹrị 15:26

Ọ kà àa vị Ẹnẹyịmavara kà o yi zee ọnị eyi ka ọnị ọ̀ vavọọ nyị oni iyi nị, ọnị ộ dọ. Ọ kà ịsị èe zee e eyi kẹnẹ ọ mẹ̀ ọnị.

2 Ịsamụwẹrị 16:3

Di ohinọyị rẹ ka, “Ịzị Imehwibọsẹtị aazị Ịsọọrụ ana vị ọga awụ yà? Di Iziba ka, ọ yà Ijerusarẹmị. Ô ro o ka ajịnị Anisirẹrị vaa kà a ka ọnị ọ̀ rị ohinọyị ana ada anị ọbanyị vịdị rị nị.”

2 Ịsamụwẹrị 19:29

Di ohinọyị tụ́ ọ ohi dị ọ ka, “Ịrẹyị ọnị ọ kà aanị ô zee.” Ọ kà ọnị ọ sị ọ kà ka Imehwibọsẹtị ọnịrị Iziba e dudu vaa gẹ ẹtẹ Ịsọọrụ nị.

2 Ịsamụwẹrị 9:10

Ẹwụ Iziba ne beri ezi ewu ọnịrị ezi ahụ awụ ẹ̀ẹ kụ́ aarẹ Ịsọọrụ ịrịkụ. Ịsa anị ọ̀ọ sị mẹ dị waa kụ́ ọ vaa yị aazị ọga awụ, ọnị vị ẹnị ẹmịrịị vaa rị ịsa pooro.” Iziba ọnị ộ ma ezi anọrụ ẹwụrẹhị, di ezi ahụ anị vị oohu nị.

2 Ịsamụwẹrị 9:13

Imehwibọsẹtị vị ene si sú ahụ ẹyịva, ama dị ahịka Ijerusarẹmị ọ yà nị agụvị ka ọnịrị ohinọyị aa rị ịsa pooro nị.

2 Ohinọyị 8:3

Ịjị ịrayị ịhịmba ọnọọ sị gụ, ọnẹẹ ọnọọ ộ va hụrị ẹkụra Anihwirisiti nịnị vẹ. Ô ne tu ohinọyị ka aarịhịnị à sị irehi anị ọnịrị ẹtẹ varẹma yị ọnị.

1 Ịsamụwẹrị 26:16

Ịsị ụ mẹ aanị, o yi zoza. Mâ sị Ẹnẹyịmavara hị́ eku ka vị a vọrọ ka ẹwụrị aza awụ è sú nị. We yi si eyi pè ọga awụ ọnị Ẹnẹyịmavara mẹ ohinọyị ẹtẹẹrẹ. Kana eyi di u we re. Wéé re ọha ohinọyị ọnịrị okoko enyi ene pè e ịrẹsụ?”