2 Ịsamụwẹrị 19:24 - IWE ỌNỊNỊ

²⁴ Imehwibọsẹtị ozi Ịsọọrụ oni o re chi na ka ọnị ọ̀ na gẹrị ohinọyị. Ọ yị nyịna ahụ anị, ọ yị kụ́ ọkara irenu anị, ọ yị rẹ nyịna awuru anị hụrẹ ịhị oni ohinọyị sị jịnẹ hụụnị hụrẹ Ijerusarẹmị pooro ne tù ẹkụhị ọnị ọ sị vavẹ ịnị ẹngwọọrọ.

2 Ịsamụwẹrị 19:24 ပူးပေါင်းရင်းမြစ်များ

2 Ịsamụwẹrị 12:20

Idevidi mẹ̀ vavọọ wụ́, dị ọ hụ̄ enyi, dị ọ dá ịsa sisi ẹngụ anị nị. Di o chire awuru ọsa, dị ọ ngụ ini irehi Ẹnẹyịmavara di o kú ẹtẹ kụ́ ọ nị. Dị ọ varẹma nọ ini eehi anị dị ọ ka à sị ịsa yị ọnị, dị a sị ịsa yọ, dị ọ rị ọ nị.

2 Ịsamụwẹrị 15:30

Di Idevidi kà tụ́ ọvịdị dị aa hịrẹ ịrẹsụ ataba orivii na nị. Ọ màa na, di ee sụ́ ùnè nị. Ịrẹsụ anị vị ọnị ọ sị ịsa kụ́, ọ yị sị adava tụ́ ahụ. Avaba aza ana saasa a aa na vị ana sị ịsa kú ịrẹsụ ẹnịnị, dị ẹ yaa jị oreree na.

2 Ịsamụwẹrị 16:3

Di ohinọyị rẹ ka, “Ịzị Imehwibọsẹtị aazị Ịsọọrụ ana vị ọga awụ yà? Di Iziba ka, ọ yà Ijerusarẹmị. Ô ro o ka ajịnị Anisirẹrị vaa kà a ka ọnị ọ̀ rị ohinọyị ana ada anị ọbanyị vịdị rị nị.”

2 Ịsamụwẹrị 9:11

Di Iziba ka taarụ, ụ wàa mẹ̀ yị kà a kẹnẹ, avọọ m maa mẹ̀ ẹ nị. Ịzẹyịza dị ahịka Idevidi ohinọyị ọnịrị Imehwibọsẹtị aa rị ịsa aha ọnya anka ezi ohinọyị ana vọ avọọ nị.

1 Ohinọyị 2:8

“Re tamayị Isimeyi ozi Igera Anịbẹnjamịnị ana vi anẹkụra Ibahurimi nịnị. Vị ọ nyị ọ nyayịnẹ mẹ mị isiya ịhị ọnị maa nọ Imahanayimi nị. Ama ọ mẹ̀ va gẹrị ẹmị Ijodani, mâ sị ịrẹha Ẹnẹyịmavara hị́ eku ka mẹ yị vaa sị ụhwọọ wụ̀ ọ.

Ọyịkụra 19:10

Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị,

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ijeremaya 41:5

â nyị aza ẹnị ẹbẹẹna ana hụrẹ ẹtẹ Ịsẹkẹmị, Isiro ọnịrị Ịsamarịya vẹ. Ẹnịnị vị ana kụ́ ịrẹwa ẹnịnị, dị ẹ na awuru hi ẹngụ ẹnịnị ẹngụ, dị ẹ́ rẹ tọ̀ ẹngụ ụnava nị. Ệ kụ apaapa ọnịrị eturare aa vaa mẹ̀ ịsọvọ ịnị irehi Ohomorihi.

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!