2 Ịsamụwẹrị 19:13 - IWE ỌNỊNỊ

¹³ Di ohinọyị ka ẹ̀ rẹ kà a yị Amasa ka ọ̀ yẹ o, ka ọnịrị ọ vị ọnya-ọnya. Ọ kà Amasa ọ vaa dọ Ijowabi ịrẹsụ dị ọ kụkụ vị ọga isoja nị. Ọ kà ọnị ọ̀ yị vavọọ mẹ, asị Ohomorihi zẹẹ ka aanị ò zoza.

2 Ịsamụwẹrị 19:13 ပူးပေါင်းရင်းမြစ်များ

Oyinyima 29:14

Di Ịrabanị ka, “Ho, ozi anị ọ vị nọ.” Di Ijekọvụ yà ịda anị ụhwẹ ọyịvụrụ ọnya nị.

2 Ịsamụwẹrị 17:25

Di Abịsarọmị sị Amasa mẹ ọga isoja, dị ahịka ọnị ọ dọ Ijowabi ịrẹsụ nị. Amasa ọnị vị ozi ọnọrụ ana aā hị́ Ijeteri. Anisirẹrị Ijeteri vị nị, dị ahịka ọnị ọ nyị ọnẹẹ ana aā hị́ Abigẹrị nị. Abigẹrị ọnị vị ozi ọnọrụ ana aā hị́ Inahasi. Izeruya ana vị ọnyị Ijowabi ọnịrị Abigẹrị vị ẹyịnyara.

2 Ịsamụwẹrị 18:11

Ijowabi ọ̀ tụ́ ọza ana maanị va kà a yọ aanị ohi, dị ọ ka, “Ụ mẹ̀ kà kẹ, dị ịsa awụ ẹyị ngụ ọ za ẹtẹ ịzọọ? Ọ̀ọ yaanị wụ̀ ọ, ọnị yaanị sị ẹkẹhị enyusẹ-enyusẹ ẹẹwụ yọ, dị ọnị rẹ yaanị sị ọvẹntẹ ịrẹkụ vaka a yọ.”

2 Ịsamụwẹrị 20:4

Di ohinọyị ka Amasa ọ̀ hụ́ anọrụ Anijuda gụ yị ọnị ịnị akakana ẹkụhị ẹẹta, dị ọnị Amasa ọ̀ jẹẹ pè ọnị.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ịsamụwẹrị 5:1

Ẹkụhị ọnya dị avaba Anisirẹrị ve tù Idevidi Íhebirọnị nị. Ẹ́ mẹ̀ vẹ dị ẹ ka, “Wâ yẹ ka anda awụ ị vị nị.

2 Ịsamụwẹrị 8:16

Ijowabi ana vi ozi Izeruya ọ vị ọga isoja nị. Dị Ijehosahwati ozi Ahirudi ọnị vị ọchẹrịsa ana chẹrẹ ịrẹyị ana aa mẹ eyinị-eyinị nị.

1 Ohinọyị 19:2

Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”

1 Ịtọpa 12:18

Dị ụhwẹ Ohomorihi dọ Amazayị ana vị ohirẹsụ isoja ohurẹẹwụ ẹnẹẹ ayị nị. Dị ọ kà yị Idevidi ozi Ijeese ka, aanị ẹnị vị nị, ẹnị jẹẹ ịrẹma anị nị. Ẹngwọọrọ ọ vaa vị yọ nị, dị ọ vị ẹngwọọrọ yị aza ana àa gụ ọ ụvọ nị. Agụvị ka Ohomorihi aa gụ ọ ụvọ nị. Dị Idevidi dọ wa vaka ẹngụ dị ọ mẹ wa ọdọvịdị isoja anị nịnị nị.

Iruutu 1:17

Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.”