2 Ịsamụwẹrị 18:9 - IWE ỌNỊNỊ

⁹ Abịsarọmị ọnị vị ana tụra ịkẹrịkẹtẹ anị dị ọ na gẹrị isoja Idevidi nịnị. Ịkẹrịkẹtẹ anị mẹ̀ zi oze iruvo ọchị ọbanyị ọnya aanị na para hu. Ọchị ọnọọ vị ọnị ịsavị-ịsavị para za avọ anị, dị ọ tịtẹ nyahii aanị. Ịkẹrịkẹtẹ Abịsarọmị mẹ̀ ka ọnị ọ̀ zị oze iruvo ọchị ọnọọ na para hu, dị ọchị si jị chire Abịsarọmị ẹyị nị. Dị ọ vavọọ gẹ ịzọọ dị ịkẹrịkẹtẹ ọnị ọ tụra ọnị aa nịị na nị.

2 Ịsamụwẹrị 18:9 ပူးပေါင်းရင်းမြစ်များ

2 Ịsamụwẹrị 13:29

Ịzẹyịza dị aza Abịsarọmị za Amịnọnị dị ẹ wụ̀ ọ anka a mẹ̀ kà a yị wa nị. Di ezi ohinọyị ana vọ kwẹẹtẹ, dị ẹ hịrẹ ịkẹrịkẹtẹ ẹnịnị, di e kú zwe nị.

2 Ịsamụwẹrị 14:26

Ẹyị anị òo re si hi, dị ọ sị rata yọ nị, dị ọ kụ́ ọ Avọọ ọ mẹ̀ẹ mẹ ụmẹ tụra ụmẹ nị. Ọ̀ọ vavọọ sị ọ kụ́, dị ọ ngọ ọ. Àa sị ịngọ ohinọyị ẹnịnị ngọ ọ, ộ hu ozi ịrayị ẹẹhị za.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 18:10

Isoja Idevidi ọnya ô re Abịsarọmị, dị ọ na kà a yi Ijowabi ka oni ô re Abịsarọmị mè zù gẹ ọchị ọbanyị ọnya aanị nị.

2 Ịsamụwẹrị 18:14

Di Ijowabi ka ọnị ọ yị vavọọ zụ jẹẹ zi ọ pooro. Dị ọ sị ọha ẹẹta, dị ọ kà wa ngụ Abịsarọmị ịrachị ọ mẹ̀ vavọọ zù ọ gẹ ọchị ireyi-ireyi nị.

2 Ịsamụwẹrị 18:8

Nyị ịzị ịrẹkụ ọnọọ ò yi tù ịhị ọnọọ ịnị ẹtẹ ọnọọ. Aza ene sù và hi ini iriku kẹnẹ ọ rụrụ hu aza ana a wụ̀ éyi ịrẹkụ nị.

Ijoovu 31:3

Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị.

Ụhịrẹyị 20:20

Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Ijeremaya 48:44

Ọza enee zwè yị ịsị ee chire ọza angwa aanị, vee horo ngụ ụsị, ọza anaa jịnẹ hụụnị ụsị ọnọọ tụ ẹhẹ dị ịrẹpa za a, agụvị ka ụmẹ ọnị ọnị Ẹnẹyịmavara jị ka ọnị ee sii vu Animowabi nịnị ẹtẹ ọ vị ọnọọ nị.

Imatiwu 27:5

Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.

Ịmaakị 7:10

Imosiisi ộ vịdị kà a ka: ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ!

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Iwe Ọhụhị Imosiisi ana aa hị́ Ọyịvatụrọda 21:23

a sị oku anị gẹ ịnị ọchị nẹẹhẹ. Ịhị ọnọọ gẹdẹ-gẹdẹ ụ vee ne oku anị nịnị nị. Agụvị ka ọza ene èe zụ obo gẹ ọchị vị ọza ụya ini eyi Ohomorihi. Wàa vavọọ ne oku ọnọọ ịhịịhyọ, wẹ yị vaa zẹẹ ka ẹtẹ ọnị Ẹnẹyịmavara Ohomorihi awụ nịnị aa sịị wụ nịnị ò divi.

Iwe Ọhụhị Imosiisi ana aa hị́ Ọyịvatụrọda 27:16

O yi vee ze yị ọza tụra ọza ẹnẹ ẹ yị sị ụbanyị ada anị ọnịrị ọnyị anị. Dị avaba aza ọ̀ ha aamị!

Iwe Ọhụhị Imosiisi ana aa hị́ Ọyịvatụrọda 27:20

O yi vee ze yị ọza tụra ọza ana mẹ ụnọ, dị ọ sị ose ada anị. Dị avaba aza ọ̀ ha aamị!