2 Ịsamụwẹrị 18:28 - IWE ỌNỊNỊ

²⁸ Di Ahimaazị ka Taarụ Ohinọyị, ẹ yị nyị ịrẹyị. Dị ọ va kụ́ ẹtẹ kụ́ ohinọyị dị ọ ka, “Yâ kụ́ Ẹnẹyịmavara Ohomorihi awụ avọ. Aza ana ka ịrẹyị ohinọyị o tù ẹnị nị, Ohomorihi ọ sị wa za.”

2 Ịsamụwẹrị 18:28 ပူးပေါင်းရင်းမြစ်များ

Oyinyima 14:20

Ohomorihi ana nẹba hu keekere ana mẹ ka ò huna ọnịvị anị aanị vị ana aza vaa gā.” Dị Abụramị sị agẹẹwụ avaba ịsa ọnị ọ kụ́ aa vẹ dị ọ sị yọ nị.

Oyinyima 24:27

Dị ọ ka, “Ẹnẹyịmavara Ohomorihi Abụrahamị ọga amị, ọnị ộ kụ́ ọ avọ. Ọ kà o yi hi ayị ịsa ọyịza ọnị ọ ka ọnị aa mẹẹ yị Abụrahamị ọga anị. Ộ ka ọ mẹ ka ọnị o re oze va ngụ ini eehi anda ọga anị.”

2 Ịsamụwẹrị 1:2

dị ahịka eyinẹhẹ oni Idevidi vavọọ vẹ ọ́za ịnya zwe hụrẹ ịnị isoja Ịsọọrụ di o ve tù Idevidi nị. Ọ màa vẹ, awuru anị vị ọnị ọ na, dị ọ ká ezi và hi ịrẹsụ ana si zụ̀ ka ayị anị vị ana nyayịnẹ du nị. O mè ve tù Idevidi dị ọ tana tụra ẹtẹ dị ọ kụ́ ọ nị.

2 Ịsamụwẹrị 14:4

Ịjị ọnẹẹ Anitekowa ọnọọ tù ịda ohinọyị, dị ọ tana tụra ẹtẹ kụ́ ohinọyị nị. Dị ọ ka, “Taarụ, navọ wa dọ mi tụ́.”

2 Ịsamụwẹrị 22:27

Ọza ana àa nyị ayị ọnya, dị waa sị ayị ọnyaa pe e mẹ. Ọza aa mẹ irikichi, irikichi ọnọọ ẹwụ ree sii pe e mẹ nị.

2 Ịtọpa 20:26

Ịhyẹgwẹna anị, dị ẹ kụ́ ẹngụ gụ ịnị ịnoze Iberaka dị ẹ ga Ẹnẹyịmavara agụvị avaba ịsa ọ mẹ̀ yị wa nị; avọọ aa hị́ ịzọọ Iberaka ọnị iruvo anị vị ụga.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 124:6

Yâ kụ́ Ẹnẹyịmavara avọ ka ọ rẹ vaa zẹẹ ka ẹ̀ gara yị và ha pẹẹpẹrẹ.

Ahẹ Ụgama 31:8

Wẹ rẹ vaa navọ ka ụvọ ọnịvị ò kú mi, wâ zẹẹ ka maa zị hwana-hwana.

Ọyịkụra 18:10

Di Ijetiro ka, “Ò zee yi Ẹnẹyịmavara ana maanị dọ wụ tụ́ hụụnị ụvọ Anijipiti nịnị ọnịrị Ihwarawo.

1 Ịsamụwẹrị 17:46

Ẹnẹyịmavara aa sị wụụ chire mị ụvọ ịzẹnị ka ma wụ̀ wụ ajịnị. Maa wụ̀ wụ, dị mị jị wụ ịrẹsụ kwooze. Ajịnị mi maa sị oku isoja Anihwirisiti yi inomi ene hi ẹbẹẹba ọnịrị uye ịnị avị nị. Avaba anẹhẹ vaa yẹ ka Anisirẹrị ệ nyị Ohomorihi.

1 Ịsamụwẹrị 24:18

Wa rẹ sị ọ kà a mị ebira ozoza ọnị wụ mẹ hị́ mị ịsọọnị. Ẹnẹyịmavara ộ sị mị chire wụ ụvọ, ama wẹ yị wụ̀ mị.

1 Ịsamụwẹrị 25:23

Abigẹrị mé re Idevidi kẹnẹ, dị ọ wụsẹ chi hụụnị ịkẹrịkẹtẹ anị hị́ ẹtẹ, dị ọ tana tụra ẹtẹ ọvịdị Idevidi dị ọ kụ́ ọ nị.

1 Ịsamụwẹrị 26:8

Di Abisayi va hị́ Idevidi dị ọ ka, “Ajịnị Ohomorihi sị ọnịvị awụ chire wụ ụvọ nọ! Navọ ma gụ ọha amị chire e na za eteesu ụpẹ ọnya kẹnẹ. Mẹ yị gụ ọ chire e tù ụpẹ ẹẹva.”