2 Ịsamụwẹrị 18:19 - IWE ỌNỊNỊ

¹⁹ Ịjị a vavọọ sị Abịsarọmị wụ, dị Ahimaazị ozi Ịzadọkị va kà a yị Ijowabi dị ọ ka vị ọnị ka ọnị ọ̀ na kà ịsị ẹ mẹ aanị yị ohinọyị nọ, ka Ẹnẹyịmavara ọ sị ọ dọ tụ́ hụụnị ụvọ ọnịvị anị.

2 Ịsamụwẹrị 18:19 ပူးပေါင်းရင်းမြစ်များ

2 Ịsamụwẹrị 15:27

Di ohinọyị rẹ kà a yi Ịzadọkị dị ọ ka, “Ẹwụ vi eneē re ẹtẹ. Ẹwụrị ozi ewu Ahimaazị ọnịrị Ijonatani ozi Abiyata ọ̀ varẹma nọ ịnị ẹkụra ka ẹ yị nyị ịrẹyị. Ẹwụrị Abiyata ọ̀ kụ́ ezi ewu nịnị ẹyịva za.

2 Ịsamụwẹrị 15:36

Ahimaazị ozi Ịzadọkị ọnịrị Ijonatani ozi Abiyata hi ịzọọ pè ada ẹnịnị. Idevidi ka ịrẹyị oni Ịzadọkị ọnịrị Abiyata ẹ̀ẹ wụ́ ẹ̀ sị tụ́ ezi ẹnẹẹ hị́ ọnị.”

2 Ịsamụwẹrị 17:17

Ijonatani ọnịrị Ahimaazị ẹnị vi ene hi ịzị aā hị́ Enirogeri. Dị a ka à tụ́ ozi ahụ ọnya ana vị ọnẹẹ hi wa, dị ẹnị ẹ̀ na kà a yị Idevidi ana vị ohinọyị nị. Ijonatani ọnịrị Ahimaazị ẹ yị nyayịnẹ nọ ịnị ẹkụra ka e ve re ẹnị.

2 Ịsamụwẹrị 18:20

Di Ijowabi ka ẹ yị vị ọnị a vọrọ ka ọ̀ na kà enube ọnọọ ajịnị. Ọ kà Ahimaazị ọ zụ na ịhị ọsa, ama ẹ yị vị ajịnị, agụvị ka ozi ohinọyị o sú aanị nị.

2 Ịsamụwẹrị 18:23

Di Ahimaazị ka ịsị ẹ̀ẹ ka ọnịị me, ọ̀ navọ ọnị ò zi zwee na. Di Ijowabi ka òo zwee na kẹ. Ịzẹyịza dị Ahimaazị zị oze ini ozi Ijodani, di ee zwee na nị. Ó mèe zwee na, ọ na sị para Anikusi hu.

2 Ịsamụwẹrị 18:31

Kẹnẹ di Anikusi ọnị rẹ vẹ nị. Dị ọ ka, “Taarụ, ohinọyị, jẹẹ ma kà enube ozoza wụ́! Ẹnẹyịmavara ọ sị wụ dọ tụ́ hụụnị ụvọ avaba aza ana kwẹẹtẹ tù wu ajịnị.”

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 10:18

Ọnụyọrị ọnịrị ozi oku nịnị ene ee nowuu hị́ wụ ụ rẹ vaa ba wa owu. Vavọọ mẹ̀ ẹ agụvị asị ọzarẹyịrẹsụ rẹ kụkụ chire ẹtẹ angwa.

Ahẹ Ụgama 7:6

Ẹnẹyịmavara, navọ wa jị ayị kwẹẹtẹ tù ọnịvị ana aa kụ ayị amị. Ohomorihi amị, navọ wa kwẹẹtẹ dị wa mẹ ka ịzẹyịza ịrẹyị ọ̀ tụ́ ẹhẹ.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ahẹ Ụgama 9:4

Ịzẹyịza ụ waa sịị mẹ̀ ọkarẹyị nị; wa mā mẹ eyi ịdị wa raà kà a ka mẹ yị rị ịvị.

Ijeremaya 51:31

Ọnụtụ irenyi-irenyi ê zwè na kà a yị ohinọyị ka á raa zị oze eyi ẹnyị-eyi ọsa kụ ịrẹkụ ngụ ịnị ẹkụra nị ọ.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”