2 Ịsamụwẹrị 18:17 - IWE ỌNỊNỊ

¹⁷ Dị ẹ sị Abịsarọmị di e ne e ngụ imisi ọbanyị ọnya ana yà ini iriku ọnọọ, dị ẹ hara ịrẹta kú ọ nị. Ịjọnọọ avaba isoja Anisirẹrị e kú zwe zị nọ eehi ẹnịnị.

2 Ịsamụwẹrị 18:17 ပူးပေါင်းရင်းမြစ်များ

2 Ịsamụwẹrị 19:5

Di Ijowabi va nọ ini eehi ne tù ohinọyị dị ọ ka, “Ajịnị, wa raà mẹ̀ ụhị nyị ẹmị ana dọ wụ tụ̀ ve tu ajịnị eyi avaba ezi ahụ awụ. Ẹma rẹ dọ ezi ewu anọrụ ọnịrị anẹẹ neberi ese ẹwụ ọnịrị onyeehi awụ tụ́ nị.

2 Ịsamụwẹrị 19:8

Ịzẹyịza di ohinọyị kwẹẹtẹ dị ọ na yaayịtẹ ènoze ẹkụra nị. Dị avaba aza aa kà a ka, “wéē re, ohinọyị ọ yaayịtẹ ini oze ẹkụra aanị nọ!” Dị avaba aza vẹ dị ẹ va jẹẹ pè ohinọyị ịzọọ nị.

2 Ịsamụwẹrị 19:9

Dị ẹ ka, “Ohinọyị ọ raà dọ yị hụụnị ụvọ ọnịvị ayị. Ọnị ọ dọ yị tụ́ hụụnị ụvọ Anihwirisiti nịnị nị. Ama ohinọyị o si zwe hụụnị ẹkụra booro aanị agụvị ịrẹyị Abịsarọmị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 20:22

Ịzẹyịza ọnẹẹ ọnọọ ọ sị eto mẹ, dị ọ sị eto ọnọọ ne tù avaba aza anị nị. Dị ẹ na jị Ịsẹba ozi Ibikiri ịrẹsụ, di e ne e yị Ijowabi nị. Di e hú ọpanyị, dị ẹ navọ ẹkụra ọnọọ, dị ọzọza varẹma aa nọ udi anị nị. Di Ijowabi ọnị varẹma nọ Ijerusarẹmị ne tù ohinọyị nị.

2 Ohinọyị 14:12

 nyị ẹbẹẹba isoja Amaziya, dị avaba ẹnịnị zwè aa nọ eehi ẹnịnị nị.

2 Ohinọyị 8:21

Ijehorami ọnịrị avaba aza anị anaā sịị ụkẹkẹ ịrẹkụụ kụ̀ ịrẹkụ ệ nọ ịzị aā hị́ Ịzaya. Ịrahụ dị ẹ kwẹẹtẹ ka ẹnị kụ ịrẹkụ ne tu Anedomi nịnị nị. Isoja Anedomi nịnị ệ họ̀ kara wa, dị ahịka vị ọnịrị isoja vụrị zwe hụụ ịzọọ, dị isoja anị ọzọza zwe nọ eehi ẹnịnị nị.

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Iwe Ọhụhị Imosiisi ana aa hị́ Ọyịvatụrọda 21:20

Ẹnịnị ẹ̀ kà a yị ọdọvịdị ẹkụra ẹnẹẹ ka ozi eyi yị; ayị anị ộ katẹngụ, ẹ yị ma wụ́ ịrẹyị ọza. Ọnịnọbanyị ọ vị nị, di o rẹ vị ohweche nị.

Iwe Ọhụhị Imosiisi ana aa hị́ Ọyịvatụrọda 21:21

Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.

Ijosuwa 10:27

Ẹtẹ mẹẹ hozi kẹnẹ, Ijosuwa kà a ka a hụrẹ wa, di e ne ne wa tụ ịnị ụtẹha ịzị vịdị tẹ tụ. Dị a sị ịrẹta ọbanyị ku ọ irenu pooro ve tu ajịnị nị.

Ijosuwa 7:26

Dị e gu ịrẹta ẹnẹ ẹ sị wụ̀ wa ku wa ịrẹsụ, dị ọ nẹba ẹtẹẹtẹrẹ nị ịrẹta ẹnẹẹ hi hi ịzọọ booro ve tu ajịnị. Agụvị avọọ aa hị́ ịzọọ inozi akanya.

Ijosuwa 8:29

Dị Ijosuwa zu ohinọyị Aneyayị gẹ ọchị pooro na ngụ oruva nị. Ịjị a hụrẹ hụụnị ịrẹsụ ọchị, dị ẹ sị ịrẹta-ịrẹta jị oku anị aba oze tu oze ovwoovu ọbanyị ẹkụra ọnọọ va ngụ ajịnị nị.

1 Ịsamụwẹrị 4:10

Ịzẹyịza dị Anihwirisiti nyayịnẹ kụ̀ ịrẹkụ, dị ẹ rẹ sị Anisirẹrị huna nị. Dị avaba isoja Anisirẹrị ana vọ kú zwe nọ udi ẹnịnị nị. Isoja Anisirẹrị ana a wụ̀ ộ rụrụ ẹtẹẹtẹrẹ. Ẹnịnị ệ gụ akawụ-akawụ oze ẹwụrẹhị.