2 Ịsamụwẹrị 18:14 - IWE ỌNỊNỊ

¹⁴ Di Ijowabi ka ọnị ọ yị vavọọ zụ jẹẹ zi ọ pooro. Dị ọ sị ọha ẹẹta, dị ọ kà wa ngụ Abịsarọmị ịrachị ọ mẹ̀ vavọọ zù ọ gẹ ọchị ireyi-ireyi nị.

2 Ịsamụwẹrị 18:14 ပူးပေါင်းရင်းမြစ်များ

2 Ịsamụwẹrị 12:10

Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

2 Ịsamụwẹrị 14:30

Di Abịsarọmị va kà a yi ezi ahụ anị dị ọ ka aarẹ Ijowabii vị ana gụrị aarẹ anị. Ọ rẹ ka ộ nyị ịsa ịnị aarẹ anaā hị́ ibaari tụ́ ịnị aarẹ. Ọ kà ezi ahụ ẹnị ẹ̀ na, dị ẹ̀ na jị ịra tụ́ ịnị aarẹ ọnọọ. Ịzẹyịza di ezi ahụ Abịsarọmị na, dị ẹ na jị ịra tụ́ ịnị aarẹ ọnọọ nị.

2 Ịsamụwẹrị 18:15

Dị ẹnị ẹẹwụ ịnị ẹnị ana aā za ẹnya ịrẹkụ gụ Ijowabi wụsẹ tara kara Abịsarọmị, dị ẹ và ịsa hí ọ ẹngụ, di o sú nị.

2 Ịsamụwẹrị 18:5

Di ohinọyị va hị́ Ijonatani ọnịrị Abisayi ne beri Itayi di o hú wa ụvọ nị dị ọ ka Áarịhịnị navọ wa hụ agụvị amị asị a nyị ịsị ụ sị mẹ Abịsarọmị nịnị o! Avaba isoja ẹnẹẹ ệ wụ́ ohinọyị mèe hú ọga ẹnịnị ụvọ ini oze ịrẹyị Abịsarọmị.

2 Ịsamụwẹrị 19:1

Dị a va kà yi Ijowabi dị a ka, “wáá yẹ ka vi ohinọyị ee sụ ùnè, dị ọ và ẹngụ hi agụvị Abịsarọmị nị.

2 Ịsamụwẹrị 19:11

Ídevidi ohinọyị mẹ̀ yà ini eehi ịda anị, ọ sị wụ́ avaba Ánisirẹrị mẹ̀ maanị aa kà. Dị ọ va tụ́ na hị́ Ịzadọkị ọnịrị Abiyata nị. Ẹnịnị vị ohirẹsụ irehi Ohomorihi. Di ohinọyị ka ẹ̀ na kà a yị ọdọvịdị Anijuda ka sìi ẹ vẹ dị ahịka ẹnị ẹ vaa vị ọdịrẹma ini aza ana aa naa sị ohinọyịị vaavẹ ini eehi anị nị?

Ijoovu 20:5

Ịrajẹ aza edivi ọ mā nọ oruva. Ayohine ẹnịnị vị ụmẹ chee aanị.

Ahẹ Ụgama 37:35

Ma raà sị eyi amị re aza edivi ẹnị ẹ̀ yị mā vayị ọza ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.

Ahẹ Ụgama 45:5

Ọpa awụ ệ rẹ huye-huye Ọnị ụ ve sii che anẹkụra ana vị ọnịvị awụ dị ẹ hyẹdụ và hi ẹtẹ nị.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ọdọvịdị 4:21

Ịjị ara ẹngwẹngụ dọ ọ tịtẹ, dị Ijayẹrị ose Iheberi sị ịhama ọnịrị ẹka ajẹngụ, dị ọ na hẹẹ, dị ọ kanyị ọ hi eyi ụvọrị ịrẹsụ anị na za ẹtẹ, dị ọ wụ̀ ọ nị.

Ọdọvịdị 5:26

Ộ sị ụvọ ọnya sị ẹka ajẹngụ, dị ọ sị ụvọ ọsa sị ịhama anụkọrọ, dị ọ kanyị ẹka ọnọọ hi Isisera. Ịnị ịrẹsụ anị ộ kanyị ọ hi, dị akokoro ịrẹsụ anị chaka nị.

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.