2 Ịsamụwẹrị 17:8 - IWE ỌNỊNỊ

⁸ Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ịsamụwẹrị 17:8 ပူးပေါင်းရင်းမြစ်များ

2 Ịsamụwẹrị 15:18

Avaba aza ohinọyị ệ tara aa parahu. Avaba Anikereti ọnịrị Anipereti ne beri Anigiti ana vị ẹnị akata ana saasa a hụrẹ Igati vẹ ệ vavọọ tara para hu ọvịdị ohinọyị.

2 Ịsamụwẹrị 17:9

Ộ hyakụ na sị tẹ aha ọnya, à vị ịnị ụtẹha ọnya aanị. Àa vị ọnị ọ vịdị kụ́ ịrẹkụ ve tù isoja awụ nị, aza ana àa wụ́ vị ana vaa kà a ka a kụ́ isoja Abịsarọmị wụ.

2 Ịsamụwẹrị 23:16

 nyị isoja ẹẹta aanị, dị ẹ sị ụkata-ụkata na ngụ udi isoja Anihwirisiti, dị ẹ na ká enyi hụụnị ịkangga ana yà oze ana a zị naa ngụ Ịbẹtịrẹhẹmị, dị ẹ sị va yị Idevidi nị. Idevidi o yi si ka ọnị ò hu ọ, dị ọ và a hi ẹtẹ yị Ẹnẹyịmavara nị.

2 Ịsamụwẹrị 23:18

 nyị ọza ịnya aanị ana aā hị́ Abisayi. Ọyịnyara Ijowabi ozi Izeruya ọ vị nị, dị ahịka ọnị ọ vị ọga ẹnị isoja ohurẹẹwụ. Ộ sị ọha anị pè aza ẹnị ịrẹkẹẹchẹhị kụ̀ ịrẹkụ, dị ọ wụ̀ wa nị. Dị ọ sị ọnọọ mẹ ịrẹha yị ẹngụ anị nị.

2 Ohinọyị 2:24

Ọ́ mẹ̀ vara eyi di o re wa nị. Ộ sị ịrẹha Ẹnẹyịmavara chì hi wa nị. Ọdụmị ẹẹva ệ jịnẹ hụụnị avị vẹ, dị ẹ́ wụ ezi ẹnẹẹ ẹbẹẹva tụra ẹẹva nị.

Ụhịrẹyị 17:12

Ọ vana dahi ka ọza ọ na gẹrị ọdụmị ana za ezi anị hu ka ọ na va eyi ka anayọkatẹngụ ọnụra.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ezikẹẹrị 19:2

Ọnyị awụ ana ma wụ vị ana sị mẹ anka idu ọnẹẹ avọọ.

Ịdanịyẹrị 7:5

Uye ọhụva vị ana sị mẹẹ anka ẹzụ avọọ. Ọ kà oni ô re ka uye ọnọnị ộ kụ́ ahụ ẹẹva vọrọ jẹẹ, dị ọ kụ ẹchụkụ agịga ẹẹta tu irenu nị. Dị ọngwẹ ọnya vana kà a yị uye ọnọọ ka ọ̀ kwẹẹtẹ dị ọ naa rị uye ó mè ze e eyi kẹnẹ nị.

Ihoseya 13:8

Ọnị vaa nọ wa ịrẹvụ anka ọdụmị ọnị ozi anị vu avọọ nị. Ọnị aa gara wa chẹkẹ-chẹkẹ anka uye ịnị avị, dị ọnị rị wa anka idu avọọ nị.

Ọdọvịdị 18:25

Anịdanị nịnị ee tu ọ ohi ka a sị o pe ẹnị nyị ahankata, ẹyị vavọọ ọnị ọyịkụ ene hi ịnị ẹnịnị vaa gu chire wa dị ẹ dọ Imika ọnịrị ovwoovu anị ụhwẹ.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 17:50

Idevidi ọ raà sị ọnanta ọnịrị ịrẹta huna Anihwirisiti ọnọọ, o mè ne ịrẹta na za a, ọ sị ọ wụ. Idevidi ọnị ọ yị nyị ụhwọ rị ụvọ.

1 Ịsamụwẹrị 23:23

Ne họ̀ use avaba ịzị ọ̀ọọ̄ tẹ, dị wa yẹ dị wa va kà a mị nịnị. Màa sị yẹ ka ọ yà ịzọọ, dị ẹmịrị ẹwụ nịnị zị na. Aha tụra aha ọnị ọ̀ọ yà ịnị Anijuda nịnị, mi vee sì ọ di me re e.”