2 Ịsamụwẹrị 17:23 - IWE ỌNỊNỊ

²³ Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 17:23 ပူးပေါင်းရင်းမြစ်များ

2 Ịsamụwẹrị 15:12

Abịsarọmị maa mẹ̀ ịsọvọ, dị ọ tụ́ na hị́ Ahitohwẹrị ana vi Anigiro ka ọ̀ hụrẹ Igiro ana vị ẹkụra anị vẹ ịnị ịsọvọ ọnị ọnị aa mẹ nị. Ahitohwẹrị vi ọnịwọjị Idevidi. Ịrẹkụ ana Abịsarọmị jị ẹnya anị aa nyị ụkataa hu avọọ, dị aza ana aa saasa Abịsarọmị raa rụrụụ hu avọọ nị.

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 16:23

Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

2 Ịsamụwẹrị 17:22

Ịzẹyịza di Idevidi ọnịrị aza anị kwẹẹtẹ, dị ẹ jịnẹ nọ akẹnẹ Okuha Ịjọdanị nị. Ịjị eyi naa nị, avaba ẹnịnị ẹ sị jịnẹ na ngụ akẹnẹ Ijodani.

1 Ohinọyị 16:18

Ịjị Izimiri si re ka aa vaa rị ẹkụra ọnọọ, di o hu dị ọ nọ ini ohweje ini eehi ohinọyị nị. O mè tù ịzọọ, dị ọ jị ịra tụ́ irehi ohinọyị dị ọ rị ọ ịra kú ẹngụ anị, di o sú nị.

2 Ohinọyị 20:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Ijoovu 31:3

Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị.

Ahẹ Ụgama 109:20

Ẹnẹyịmavara, navọ ahịka avọọ ú mè si ọnịvị amị ana aa kà ịrẹyị odivi amị atọ nị.

Ahẹ Ụgama 5:10

Ohomorihi navọ wa jị ịvị yị wa. Navọ ahịka ịsa odivi ene e yee ro ọ vara eyi gụ wa hyẹdụ nị. Dụ wa hụụ ịdị awụ agụvị ka ẹ raà mẹ̀ ebira odivi hi wu baaba avọọ ẹ mẹ̀ raa kụ̀ụ hịrẹ wụ nị.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

Ụhịrẹyị 19:3

Ọza ẹnyị ọọ raa sị ụra wụ ẹngụ anị dị a su ọ za Ẹnẹyịmavara.

Ayịsaya 38:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ô ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Imatiwu 27:5

Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.