2 Ịsamụwẹrị 17:16 - IWE ỌNỊNỊ

¹⁶ Wụsẹ jintu tụ́ na kà a yi Idevidi ka asị ọ sụ ịzị aā jịnẹ okuha ịnị ụnọmị avọọ oo! Kà a ọ wụsẹ kwẹẹtẹ dị ọ̀ọ nọ akẹnẹ kà à yị vị avọọ vị aa wụ ọnịrị aza anị nị oo!

2 Ịsamụwẹrị 17:16 ပူးပေါင်းရင်းမြစ်များ

2 Ịsamụwẹrị 15:14

Di Idevidi wụsẹ hị́ avaba ezi ahụ anị ene hi Ijerusarẹmị pè e, dị ọ ka vẹ vị yee zwe nịnị ka à yị vị avọọ ẹ yị nyị ọza ayị ana aa haa hụụnị ụvọ Abịsarọmị. Vẹ ya wusee zwe buru-buru ka à yị vị avọọ ọ̀ọ saasa ayị, ịrẹyị odivi vee tù yị. Vị aa sị ụhwọọ wụ̀ anẹkụra ọnọnị ha nị.

2 Ịsamụwẹrị 15:28

Mi tangwa aa jẹẹ zị wụ ịnị ụnọmị pooro dị ma wụ́ ụtụ ọnị wàa tụ́ hi mị.”

2 Ịsamụwẹrị 15:35

Idevidi rẹ ka Ịzadọkị ọnịrị Abiyata ẹnị ẹyịva ana vị ohirẹsụ irehi Ohomorihi vaa yà ịzọọ pè Ihusayi. Ọ kà ọ̀ kà ịrẹyị tụra ịrẹyị ẹnẹ ẹ̀ẹ wụ́ ịda ohinọyị yi wa.

Ahẹ Ụgama 35:25

Asị ụ navọ ka è re oze kà a ka ịsa ẹnị ka ẹnị aa mẹ, ẹnị ẹ sị ọ mẹ Asị ụ zẹẹ ka ẹ̀ zụ wụ̀ mị kwooze.

Ahẹ Ụgama 55:8

Di mi wuse ne sì ịzị a vọrọ ka ma yà ịzị ẹ̀ yị nyị ẹngụkata irenyi-irenyi ẹnẹnị.

Ahẹ Ụgama 56:2

Aza ẹnẹẹ ene ee du mị ịrẹsụ vị ana aa dụ mị pooro kẹnẹ Aza ana vavọọ aa dụ mị ệ rụrụ ẹtẹẹtẹrẹ Ẹnịnị vị ana aa mẹ eyii zị.

Ahẹ Ụgama 57:3

Ohomorihi vaa hụrẹ ini ihinẹba vẹ, dị ọ va dọ mị tụ́ Avaba aza ana kwẹẹtẹ tù mị vị ọnị ọ vaa mẹ ụhịị nyị Ohomorihi vi ene vee sì ịrẹyị amị pooro, ọ yị vee vene mị.

1 Anịkọrịntị 15:54

Ọchẹngụ ayị eneē du, dị oō sú aanị, ịhị àa vara a ọchẹngụ ene è yi me vene du, di ò sú, ịrẹyị ana a vịdị chẹrẹ tụ́ ini Iwe Ohomorihi vaa sẹ ịhị ọnọọ. Ịrẹyị ọnọọ ka: Ohomorihi ọ sị ụkata iswọọza gara, ọ raà nyị ehuna anị saka-saka.

2 Anịkọrịntị 5:4

Ị mẹ̀ yị yà ịnị ọchẹngụ ayị ọnọnị booro aanị, yee ti agụvị ka ẹnya ẹngụ anaā zị yị ọ sị ngụ yị. A yị vị ka vi yee sì ka à sị ọchẹngụ ayị ẹhẹ ọnọnị kwooze nị, ama yee sì ka à sị ẹ́ẹbẹẹba ku yi ẹngụ, agụvị dị à sị ọchẹngụ ene èe mē sú dọ ịrẹsụ ọchẹngụ ayị eneē sú anịị yị.

1 Ịsamụwẹrị 20:38

Di Ijonatani nowu hị́ ozi ọnọọ dị ọ ka, “Wụsẹ buru, asị ụ jẹẹ.” Di ozi ọnọọ sị ọpa ọnọọ dị ọ sị va yị ọga anị nị.