2 Ịsamụwẹrị 17:14 - IWE ỌNỊNỊ

¹⁴ Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

2 Ịsamụwẹrị 17:14 ပူးပေါင်းရင်းမြစ်များ

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 15:34

Ama wàa vana và nọ ịnị ẹkụra ọnị ọ gụ hụ nị. Wèe tù ịzọọ dị ụ kà a yị Abịsarọmị ka, ‘taarụ, maa yà ahụ awụ.’ Kà a ka ozi ahụ ada amị ụ vịdị vị ịyẹẹyẹ nị, ka u ree sì ka wa rẹ vị ozi ahụ ọnị Abịsarọmị. Wàa vavọọ mẹ, u ve zuu du iwe ana Ahitohwẹrị ee pè e jị.

2 Ịsamụwẹrị 16:23

Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

2 Ịtọpa 10:15

Irehobowami ohinọyị ô si eyi wụ̀ ịrẹyị aza anị. Ebira ọnị ộ mẹ̀ aanị vị ana sị ịrẹyị ọnị Ẹnẹyịmavara Ohomorihi kà sẹ. Ộ vịdị tụ́ ọnịsẹ Ahija ana vị Anisiro hi Ijerobowami ozi Inebati.

2 Ịtọpa 10:8

Ama irehobomi ô si eyi wụ́ ịrẹyị azọkụ ẹnẹẹ, di o ne tu ezwọọmụha ana vị eyi ọpa anị. Dị ahịka ẹnị ẹ kụkụ vị anajuwe anị nị.

2 Ịtọpa 25:16

Ọ maa kà ụtụ yọ, Amaziya da jị ọ, dị ọ kà ọ yịị mẹ hẹẹ ọnị a wụ́ ọ nị. Ọnị wáá mẹ̀ ẹ anajuwe anị nị?

2 Ịtọpa 25:20

Ama Amaziya ô yi. Ohomorihi o si ka a wụ̀ wa agụvị ka ẹ yaa hẹkẹ ori Anedomi nịnị.

Inehemaya 4:15

Ịjị Ọnịvị ẹnịnị sị yẹ ka iruvo ẹnẹnị ọ sị tụ ẹhẹ. Ohomorihi ọ raà gara eto odivi ẹnịnị ha. Agụvị avọọ, dị Anisirẹrị ọzọza varẹma nọ aha anị nee tenyi ọvọ ene wu tụra nị.

Ijoovu 12:17

Ọnị ọọ̄ dọ anajuwe nịnị ịrẹyọyẹ dị ọ jị ọmọkarẹyị nịnị ụra eyi aza

Ahẹ Ụgama 9:15

Aza ẹnẹ ẹ̀ yị yẹ wụ mẹ̀ na hụ ụvị ọza chị ụsị dị ahịka ẹnị ẹ rẹ horo ngụ ọ nị. Ịrẹpa ẹnị ẹ̀ và zi ọza gẹdẹ-gẹdẹ ọ rẹ vara eyi za wa ahụ nị.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Emọsị 9:3

Ẹnịnị ẹ̀ẹ na tẹ̀ ịrẹsụ ataba Ịkamẹrị, ọnị vaa sị wa hụụ ịzọọ. Ẹnịnị ẹ̀ẹ hyakụ na tẹ̀ iruvo òkū, di ọnị ka yị ẹ́wụ́ ka ọ̀ mẹ wa.

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

1 Anịkọrịntị 3:19

Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka, “Ohomorihi ọ raà za ọyẹrẹyị nịnị ini irikichi ẹnịnị.”

Iwe Ọhụhị Imosiisi ana aa hị́ Ọyịvatụrọda 2:30

Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị.

Ijosuwa 11:20

Ẹnẹyịmavara ụvọta ọ mẹ ayị anẹkụra ana vọ katẹngụ ka ẹ gẹ ịrẹkụ tu Anisirẹrị agụvị a wụ̀ wa ha bemi-bemi, dị asị Ẹnẹyịmavara vayị ẹnịnị anka ọ̀ mẹ vịdị raà mẹ ọda yị Imosiisi.