2 Ịsamụwẹrị 17:12 - IWE ỌNỊNỊ

¹² Ọ kà ịzị ẹnị ẹ̀ẹ yà re aza Idevidi, dị ẹnị kụ́ chire wa, dị ẹnị sụ và kú wa anka eguhi mèe chiree kú eteesu avọọ. Ọ rẹ ka Idevidi ọnị ụvọta, àa vị isoja anị ọnyọọnyị ẹ yị vaa há.

2 Ịsamụwẹrị 17:12 ပူးပေါင်းရင်းမြစ်များ

1 Ohinọyị 20:10

Di Ịbẹnịhadadị rẹ tụ́ varẹma ne tù Ahabị, dị ọ ka, “Isoja ọnị maa kụ́ vẹ, àa vị ka aza ịnya-ọza ịnya vee re ezi ká ịnị ẹtẹ Ịsamarịya ene hi ọ ụvọ, asị ori nịnị zẹẹ ka ò zoza mị.”

2 Ohinọyị 18:23

Ẹ ka, ẹnịnị ẹ̀ vẹ booro aanị di è sì ịsa vaa da ịpẹ yị ohinọyị Ásiriya, ọga ẹnịnị. Ẹnịnị èe zụ re aza akawụ-akawụ oze ẹẹva, ana zụ tụra umaata akawụ-akawụ oze ẹẹva, ẹnị vavọọ vaa sị ọpa umaata ẹnẹẹ yị wa.

2 Ohinọyị 19:24

Ẹnẹyịmavara kà ẹwụ Isenakeribi ộ nyị irenu ka, wâ chị́ ịkangga tụ ẹkụra aza ẹnẹsa, di u hú enyi anị nị, ụ ka isoja awụ ệ kụ́ ahụ hi Irehu Ịnayịrị para hu, dị ọ wụ nị.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ọbadaya 1:3

Ọyị sị ẹngụ tụ ẹba Anedomi nịnị ọ sị wa vene. Agụvị ka ẹẹ ra ịrẹsụ ataba, dị ẹ sị ịrẹta-ịrẹta jị ọvọ okiri-okiri kara ohyẹtẹ ẹkụra ẹnịnị, di ê ro ka ẹ yị nyị anẹkụra ẹnyẹnyị ene zu ziizi ẹnị ụvọ nị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

1 Ịsamụwẹrị 23:23

Ne họ̀ use avaba ịzị ọ̀ọọ̄ tẹ, dị wa yẹ dị wa va kà a mị nịnị. Màa sị yẹ ka ọ yà ịzọọ, dị ẹmịrị ẹwụ nịnị zị na. Aha tụra aha ọnị ọ̀ọ yà ịnị Anijuda nịnị, mi vee sì ọ di me re e.”