2 Ịsamụwẹrị 17:10 - IWE ỌNỊNỊ

¹⁰ Ọ̀ọ vavọọ yà isoja ana ayị vị hu keekere anka idu vị ana angwahi vaa ngụ ẹngụ. Avaba Anisirẹrị ệ yẹ ka ada awụ ọ zụ kụ̀ ịrẹkụ. Ẹ rẹ yẹ ka isoja ana yà pè e vị ana ayị ẹnịnị nyayịnẹ vị.

2 Ịsamụwẹrị 17:10 ပူးပေါင်းရင်းမြစ်များ

Oyinyima 49:9

Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ.

2 Ịsamụwẹrị 1:23

Ịsọọrụ oo! Ijonatani oo! Ẹ́ mè yi yà ẹhẹ ệ sị̀ ayị yị ẹngụ Dị ẹ daka yi sú, ẹ yị hụrẹ ẹngụ ụvọ. Ệ rẹ huna irepe, ẹnịnị ệ nyị ụkata huna idu

2 Ịsamụwẹrị 17:9

Ộ hyakụ na sị tẹ aha ọnya, à vị ịnị ụtẹha ọnya aanị. Àa vị ọnị ọ vịdị kụ́ ịrẹkụ ve tù isoja awụ nị, aza ana àa wụ́ vị ana vaa kà a ka a kụ́ isoja Abịsarọmị wụ.

2 Ịsamụwẹrị 23:20

 nyị ọnọrụ ọnya ana a rẹẹ̄ hị́ Ịbẹnaya ozi Ijehoyada. Anikabizeeri ọ vị nị, dị ahịka ọ̀kà ọ vị ịnị ịrẹkụ nị. Ộ mẹ̀ ịsa ẹbanyị-ẹbanyị. Ộ wụ ozi Ariyeri ẹẹva ana vị Animowabi; dị ọ hyahu rẹ wụ idu ini orozi ọnya aanị nị. Ụmẹ ọnọọ eguhi ene hunẹnẹ dọdọdọ aanị vị ene ee chire.

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ọyịkụra 15:15

Angwa vee hi ohinọyị Anedomi. Ẹgahị vaa ngụ ọdọvịdị Animowabi nịnị ẹngụ. Anikenaani ẹnị raa hụrẹ ayịnẹ.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ahẹ Isoromọnị 3:7

Isoromọnị aa vẹ; a sị́ ọnịrị aga ohinọyị tụra okeehe aa vẹ anị nọ. Ẹnị isoja Anisirẹrị nịnị ene hu kere-kere ee sere e nị. Ẹnị ẹbẹẹta ẹ́ vị̀ nị.

Ayịsaya 13:7

Nyị ịsị ọza ọnyị-ọnyị va zụụ mẹ, angwahi vị ana vaa ngụ avaba aza ẹngụ.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ezikẹẹrị 21:15

Ayị aza anị ẹ sị sụ enyi. Ẹ kụkụ aa vangga ọnị aa sị ụhwọ anaa za nyoonyo anka ịnyanya avọọ chire wa angwa. A sị ọ tenyi ka à sị wụ̀ aza.

Iwe Ọhụhị Imosiisi ana aa hị́ Ọyịvatụrọda 1:28

Ịzị Imosiisi ka ẹnị ẹ nọ daa! Aza ene re ẹtẹ ọnọọ ka ajịmasị anọrụ ana a hị́ Anakimi e hi ẹkụra ẹnẹẹ nị. Ẹkụra ẹnịnị vana jị ọvọ ana gọdọ na ka ihinẹba kara ẹkụra ẹnịnị.

Anihiburu 11:34

Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 18:17

Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.