2 Ịsamụwẹrị 16:8 - IWE ỌNỊNỊ

⁸ Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”

2 Ịsamụwẹrị 16:8 ပူးပေါင်းရင်းမြစ်များ

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

2 Ịsamụwẹrị 19:19

dị ọ ka, “Taarụ, navọ asị ụ ro ịrẹyị ebira odivi ọnị mị mẹ, asị ụ kà a ka waa tamayị ebira odivi ọnị mị mẹ̀ ịhị ọnị wụ jịnẹ hụrẹ Ijerusarẹmị avọọ. Taarụ, navọ asị ụ sị ịrẹyị ọnọnị tụ́ ịnị ayị awụ.

2 Ịsamụwẹrị 19:21

Di Abisayi ozi Izeruya tụ́ ohi dị ọ ka, “Isimeyi vị ana vọrọ ka ò sú agụvị ka ọ raà si eyi oweyi re ọza ẹnị Ẹnẹyịmavara nyị ka ọ̀ vị ohinọyị.”

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

2 Ịsamụwẹrị 21:9

Di Anigibiyọnị kụ́ aza oni ohinọyị kụ́ yị wa, di e zù wa gẹ ọchị ịnị ataba éyi Ẹnẹyịmavara nị. Avọọ ẹnị ịhịmba mè sú vabẹ nị. Ụmẹ ana aā sịị ịsa ịnị aarẹ ana aā hị́ ibaari a vavọọ sị wụ̀ nị. Ụmẹ ọnọọ vị ana a sẹsẹ nyima aa mẹ ibaari.

1 Ohinọyị 2:8

“Re tamayị Isimeyi ozi Igera Anịbẹnjamịnị ana vi anẹkụra Ibahurimi nịnị. Vị ọ nyị ọ nyayịnẹ mẹ mị isiya ịhị ọnị maa nọ Imahanayimi nị. Ama ọ mẹ̀ va gẹrị ẹmị Ijodani, mâ sị ịrẹha Ẹnẹyịmavara hị́ eku ka mẹ yị vaa sị ụhwọọ wụ̀ ọ.

Ahẹ Ụgama 3:2

Aza ọrụrụ-ọrụrụ ka mba, ẹwụ Ohomorihi ọ yị kụkụ vaa dọ mịị tụ́.

Ahẹ Ụgama 4:2

Ẹwụ nịnị aza ẹnị eyi yẹ, sị ẹ vẹ dị ụ maanị aa kụ̀ mị ụhụ nịnị? Sị ẹ vẹ di evene ọnịrị ireche maanị zee wu nịnị eyi?

Ahẹ Ụgama 55:3

Ọnịvị amị ee woo hi mị, angwa ee hi mị Aza edivi ana aa chamayịị yị ọza aa va wụ̀ mị Ẹnịnị ẹ raà kụ́ ọ kata mị ẹngụ Avọọ ẹ maa nyị ịhyẹrẹ amị, dị ẹ yaa kụ́ ayị amị nị.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ọdọvịdị 9:24

Dị Ohomorihi navọ ka ọ vavọọ mẹ dị ọ sị họ̀ oponu ịrẹyị odivi ezi Ijeru-Ibaari ẹtarẹwụ ọ nị Abimẹrẹkị sị ayịchama wụ.