2 Ịsamụwẹrị 16:5 - IWE ỌNỊNỊ

⁵ Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị.

2 Ịsamụwẹrị 16:5 ပူးပေါင်းရင်းမြစ်များ

2 Ịsamụwẹrị 16:14

Ohinọyị ọnịrị aza anị e si tù ịzị ẹ yaa nọ. Ọ kụ̀ ngụ wa ẹngụ, di e hi ịzọọ dị ẹ tụ́ ụhwọ nị.

2 Ịsamụwẹrị 16:4

Di ohinọyị tù Iziba ohi dị ọ kà, “Avaba ịsị Imehwibọsẹtị nyị kụkụ vị awụ.” Di Iziba ka, “Taarụ, ọ máá navọ wa maanị yịị nyị mi iyi.”

2 Ịsamụwẹrị 16:6

Dị ọ kụ́ ịrẹta dị ee ne e hi Idevidi ọnịrị avaba ezi ahụ anị nị. Avaba isoja ohinọyị ọnịrị aza ana a nyị ene ee sere e vi ene hi eyi ụvọrị ọnịrị eyi ụvọha anị.

2 Ịsamụwẹrị 17:18

 nyị ozi ọnọrụ ọnya aanị ene re wa, dị ọ na kà a yị Abịsarọmị nị. Di Ijonatani ọnịrị Ahimaazị wụsẹ hụụ ịzọọ, dị ẹ nọ ini eehi ọnọrụ ọnya aanị ịzị aā hị́ Ibahurimi nị. Ọnọrụ ọnọọ ộ nyị ịkangga ọnya tụ́ ini ohweje anị, di Ijonatani nịnị ngụ ọ nị.

2 Ịsamụwẹrị 23:31

Abi-Ariboni Anaribati, Azimaveti Anibahumi,

2 Ịsamụwẹrị 3:16

Á mẹ̀ vavọọ na sị ọ, dị ọva anị ee sụ ùnèe dụ ọ na pooro dị ẹ na ngụ ịzị aā hị́ Ibahurimi nị. Di Abịna va kà a yọ ka ọ̀ varẹma ọ̀ọ nọ eehi, dị ọ ka ooho, dị ọ varẹma nị.

Ẹsịta 2:5

Ụmẹ ọnọọ â nyị Aniju ọnyara ana ra ẹtẹ Isusa. Anịbẹnjamịnị ọ vị nị. Ịrẹha anị ọ rị Imodekaya nị. Ada anị ọ rị Ịjarị dị ada anị ọbanyị rị Isimeyi ana vị ozi Ikisi nị.

Ijoovu 30:11

Ijoovu ka agụvị ka Ohomorihi ọ ra tụ ọnị ọkụmị, dị ẹ ya kà chire ọnị o me zee wa eyi nị.

Ahẹ Ụgama 102:8

Ọnịnị amị vị ana aa kụ̀ mị ụhụ pooro kẹnẹ. Ẹnị ana aa mẹ mị isiya vị anaā kà a yị ọza ka o du ọ kù anka a mè du mi kù.

Ahẹ Ụgama 109:28

Òo zee e eyi ẹ̀ẹ tụ́ ozirenu, ẹwụ vị ana vaa mẹ ka ò zee mị. Navọ ahịka vị aza ana aa dụ mị va hyẹdụ nị, dị emi ozi ahụ awụ ọ̀ va jẹ ịrajẹ.

Ahẹ Ụgama 69:26

Ohomorihi, aza èe re ka wâ tụ́ ọza ụnava, dị ẹnị raa sị ụyaa rị aza ẹnẹẹ. Aza ọnị wàa mẹ ka ịsa ọ̀ọ zị, dị ẹẹ̄ kụkụ aa kụ ọ ịrẹkaa zị.

Ọyịkụra 22:27

Awuru ọnọọ kẹnẹ ọ nyị ene ee sii kú ẹngụ nị. Wàa dọ ọ, sị u ka ò si kú ẹngụ na sụ? Ẹngụ ọza ọnọọ òo nowu va za mị, mị vaa baa owu agụvị ka mịị̄ vayị ọza.

Ọyịkụra 22:28

Wẹ yị nyayịnẹ kụ Ohomorihi ụhụ. Wẹ yị nyayịnẹ kụ ọdọvịdị awụ nịnị ụhụ.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ịrẹyị Ọzwọzịsa 10:20

Asị ụ ne were kụ ohinọyị ụhụ tụ ịnị ịnẹ, asị ụ yà aha ọyị sụ awụ kụ ọza ọbanyị ụhụ, agụvị ka avị ọọ nyị ụtọ.

Ayịsaya 8:21

Aza ẹnẹẹ vị ana vaa ngụ ịnị ẹtẹ ọnọọ zị, ụngwẹ vaa kụ̀ wa di o kú du wa eyi. Ịjị ụngwẹ aa kụ̀ wa dị ayị aa kụ́ wa nị, dị ẹ yaa kụ̀ ohinọyị ẹnịnị ọnịrị Ohomorihi ẹnịnị ụhụ.

1 Ịsamụwẹrị 17:43

Di Anihwirisiti ọnọọ hị́ Idevidi dị ọ ka irezi ọnị wáá vị nị, dị ọ si okutẹ ee vee tù ọnị. Dị aa sị ori anịị chii hi Idevidi nị.