2 Ịsamụwẹrị 16:22 - IWE ỌNỊNỊ

²² Ịzẹyịza dị ẹ hịrẹ nọ ịrẹsụ itu, dị ẹ jị ajẹngụ tụ́ ịzọọ nị. Di Abịsarọmị nọ ịzọọ dị ọ na kụ́ ada anị, dị ọnịrị wa aa sụ éyi avaba Anisirẹrị nị.

2 Ịsamụwẹrị 16:22 ပူးပေါင်းရင်းမြစ်များ

Oyinyima 35:22

Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

2 Ịsamụwẹrị 15:16

Di ohinọyị si hu nị. Avaba aneehi anị ọnịrị ezi ahụ anị vị ana saasa a. Dị ọ navọ onyeehi anị ẹẹwụ tịtẹ ka ẹnị è si eyi pè irehi nị.

2 Ịsamụwẹrị 20:3

Idevidi ọ va sị ngụ ini eehi anị Ijerusarẹmị, dị ọ kụ onyeehi anị ẹẹwụ ọnị ọ navọ hi ịzọọ ka è si eyi pè irehi, ne pe oserẹtẹ ka èe sere wa nị. Idevidi aa tẹsị ẹnịnị, ana o yi tù ịda ẹnịnị. Avọọ a mè gu oze hi wa pooro ne tù ụmẹ ẹnị e si sú nị. Ẹnịnị vị ana ra anka osoku avọọ.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ịrịka 25:6

Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.