2 Ịsamụwẹrị 16:21 - IWE ỌNỊNỊ

²¹ Di Ahitohwẹrị ka onyeehi Idevidi ada anị ọnị ọ navọ hi ẹtẹ ka ẹ̀ si eyi pè irehi anị avọọ, ọ ka Abịsarọmị ò ne pè wa sú. Ọ kà ọnọọ vaa mẹ ka avaba Anisirẹrị ẹ̀ wụ́ ka vị ọ kụkụ aa nyị ada anị ịhyẹrẹ nị. Ọ kà ịjọnọọ avaba aza vị ana kụkụ vaa sị ọtụụ kà a ịrẹma.

2 Ịsamụwẹrị 16:21 ပူးပေါင်းရင်းမြစ်များ

Oyinyima 34:30

Di Ijekọvụ va hị́ Isimiyọnị ọnịrị Ireevi dị ọ ka, “Ẹ̀ẹ yẹ ka ịrẹyị ẹ na dà va tụra ẹnị ịrẹsụ aanị nị. Anikenaani ọnịrị Aniperizi ene hi ịzẹnị ẹ yị kụkụ vaa sị eyi ọyịza re ẹnị. Ọ kà ẹ yị nyị ọnị yà. Ọ kà ẹ̀ẹ vabẹ dị ẹ baku ọnị nị, aā vi e yee vú ọnịrị aza anị ẹtẹ.”

Oyinyima 35:22

Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.

Oyinyima 38:16

Di Ijuda ne tù ọ ụtọ oze dị ọ ka: Ọ̀ vẹ ka oni ee sì ka ọnịrị ọ̀ nyị ọyịmẹ̀. Ijuda ọ yị yẹ ka ose ozi anịị yọ nị. Di Ịtama ka, “Sị aā sịị yị ọnị dị ọnịrị ọ ọ̀ va mẹ.”

Oyinyima 6:4

 vịdị nyị aza bahị-bahị ene hi ịnị ẹhẹ ịnị ụmẹ ẹnẹẹ, ẹnị ẹ vị ezi ana ma yị anggẹẹrị ẹnẹẹ nị. Ịrẹma ọnọọ ẹngụ anggẹẹrị ẹnẹẹ ẹ̀ẹ rẹ nọ ịda ezi anẹẹ ana aza ma, dị ẹ ma ezi nị. Ezi ẹnẹẹ ẹ vị ọnọrụ ịyẹẹyẹ nị. Ẹnịnị ệ ngụ ịrẹyị.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

2 Ịsamụwẹrị 12:11

Ẹnẹyịmavara kà ini eehi awụ ọnị vaa sị azaa hụrẹ ana vaa kụ́ ẹngụkataa tù wu nị. Ọ kà ini eyi awụ ọnị maanị vaa kụ́ ese ewu dị ọnị kụ́ wa yị aza ana gụrị ẹwụ dị ọnịrị wa aa sụ́ ụmẹ ọọdụ gaaga nị.

2 Ịsamụwẹrị 13:5

Di Ijonadabị va kà a yọ dị ọ ka, “Ma apẹ ka ẹngụ aa zị wụ, dị ụ wà na hụtụ aha ọyịsụ. Ịjị ada awụ òo ve heeyi wụ, kà a yọ ka ọ̀ navọ dị Ịtama adẹnyara awụ ọ̀ va mẹ̀ ịsa yị wụ. Wee si ka ọ mẹ̀ ịsa ọnọọ eyi awụ ịzẹnị, dị ọ yọ ọ yị wụ.”

2 Ịsamụwẹrị 15:16

Di ohinọyị si hu nị. Avaba aneehi anị ọnịrị ezi ahụ anị vị ana saasa a. Dị ọ navọ onyeehi anị ẹẹwụ tịtẹ ka ẹnị è si eyi pè irehi nị.

2 Ịsamụwẹrị 16:20

Di Abịsarọmị họ̀ Ahitohwẹrị ka ịsị a vọrọ ka ọnị ọ kụkụ mẹ?

2 Ịsamụwẹrị 17:7

Di Ihusayi tụ́ Abịsarọmị ohi dị ọ ka, “Wáá yẹ ka iwọjị ana Ahitohwẹrị jị aanị ọ yị mẹ.”

2 Ịsamụwẹrị 2:7

Dị ọ ka asị e hí angwa, ẹ̀ nyị ọtụtụrụma. Ọ kà Ịsọọrụ ohinọyị ẹnịnị ô wusu, ama Anijuda ẹ raà sị ọnị ka ọnị ọ kụkụ vị ohinọyị ẹnịnị.

2 Ịsamụwẹrị 20:3

Idevidi ọ va sị ngụ ini eehi anị Ijerusarẹmị, dị ọ kụ onyeehi anị ẹẹwụ ọnị ọ navọ hi ịzọọ ka è si eyi pè irehi, ne pe oserẹtẹ ka èe sere wa nị. Idevidi aa tẹsị ẹnịnị, ana o yi tù ịda ẹnịnị. Avọọ a mè gu oze hi wa pooro ne tù ụmẹ ẹnị e si sú nị. Ẹnịnị vị ana ra anka osoku avọọ.

1 Ohinọyị 11:25

Irezoni vị ana kwẹẹtẹ tù Anisirẹrị pooro di Isoromọnị va hụrẹ ẹhẹ. Vị ọ nyayịnẹ kụ́ ọ kata Anisirẹrị ẹngụ anka Ihadadi ọnị mẹ̀ rẹ mẹ nị. Anisirẹrị vị oni o si eyi wụ, dị ọ rị ohinọyị tụ́ Aramị nị.

1 Ohinọyị 2:17

Di Adonija ka, “Aarịhịnị kà a yị Isoromọnị ohinọyị ka ọ̀ navọ ịsị maa dá ịpẹ anị aanị, asị o yi. Ọ̀ navọ ọ̀ sị Abisagi ana vị Anisunami mị dị ma nyị ọ.”

1 Ohinọyị 2:22

Di Isoromọnị ohinọyị tụ́ ọnyị anị ohi dị ọ ka, “Ho, si ẹ vẹ dị ahịka Abisagi Anisunami kẹnẹ ụ ka à sị yị Adonija nị? Wẹ rẹ kụkụ kà a ka à sị ohinọyịị yọ dị ọ̀ rị ọ; wáá yẹ ka ọnị ọ vị ọzọkụ mị nị? Ẹ yị vị ọnọọ kẹnẹ, wa rẹ yẹ ka Abiyata ana vi ohirẹsụ irehi Ohomorihi ọnịrị Ijowabi ozi Izeruya vị ana sị ọtụ kà a ịrẹma.”

Ireevi 18:8

À sị ẹ sị ose ada ẹnịnị ọnyọọnyị ọsa, ka ẹ va mẹ̀ ụhị nyị ada ẹnịnị.

Ireevi 20:11

Ọza ọ̀ọ sị ose ada anị, ọ sị ụhị mẹ nyị ada anị. Ọza ọnọọ ọnịrị ose ada anị ọnọọ vị ana vaa wụ̀. Ẹnị ẹyịva e sị ẹngụ ẹnịnị isu nị. À sị a nyị ọza ana á tụ ohuvọ.

Ịzakaraya 8:13

Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa.

1 Anịkọrịntị 5:1

Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị.

1 Ịsamụwẹrị 13:4

Ịzẹyịza avaba Anisirẹrị ệ wụ́ ka Ịsọọrụ ộ kụ́ ịrẹkụ na dụ isoja Anihwirisiti ene hi udi ọnya. Dị Anihwirisiti kụkụ hụ ụvị avọọ dị ẹ yaa nyị ịhyẹrẹ Anisirẹrị ẹtẹẹtẹrẹ nị. Dị Ịsọọrụ ka avaba Anisirẹrị è ve tù ọnị Igirigari nị.

1 Ịsamụwẹrị 27:12

Akisi ọnị vị ana nyayịnẹ sị ayị tụra Idevidi. Ọ kà aza Idevidi ana vi Anisirẹrị vi ana kụkụ aa nyị ịhyẹrẹ Idevidi. Ọ kà Idevidi vị ana kụkụ vaa yà ahụ anị pooro.