2 Ịsamụwẹrị 16:19 - IWE ỌNỊNỊ

¹⁹ Di Ihusayi rẹ ka à hyakụ kụ́ ẹnẹẹ kwooze, ẹnị ọnị vaa yà ahụ anị ọsa? Ọ kà ọza ọnị ọnị hẹkẹ ada anị, ẹ yị vi ozi ọza ọnọọ a vọrọ ka ọnị ọ rẹẹ hẹkẹ ẹ? Dị ọ rẹ ka ọnị vaa hẹkẹ Abịsarọmị nị.

2 Ịsamụwẹrị 16:19 ပူးပေါင်းရင်းမြစ်များ

2 Ịsamụwẹrị 15:34

Ama wàa vana và nọ ịnị ẹkụra ọnị ọ gụ hụ nị. Wèe tù ịzọọ dị ụ kà a yị Abịsarọmị ka, ‘taarụ, maa yà ahụ awụ.’ Kà a ka ozi ahụ ada amị ụ vịdị vị ịyẹẹyẹ nị, ka u ree sì ka wa rẹ vị ozi ahụ ọnị Abịsarọmị. Wàa vavọọ mẹ, u ve zuu du iwe ana Ahitohwẹrị ee pè e jị.

2 Ịsamụwẹrị 16:18

Di Ihusayi tụ́ ohi dị ọ ka ẹ yị vị avọọ ọ mẹ̀ vị. Ọ kà ọza ẹnị Ẹnẹyịmavara ọ̀ọ nyị, dị aza ẹnẹnị ẹnịrị avaba Anisirẹrị rẹ dọ nị, ọza ọnọọ ọnị rẹ dọ yị dị ọnị rẹ jẹẹ pè e nị.

2 Ịsamụwẹrị 16:20

Di Abịsarọmị họ̀ Ahitohwẹrị ka ịsị a vọrọ ka ọnị ọ kụkụ mẹ?

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Anigaratiya 2:13

Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ.

1 Ịsamụwẹrị 28:2

Di Idevidi ka ooho. Ọ kà ọnị ụvọta vee re ịsị ọnị vaa mẹ. Dị Akisi ka ộ mẹ̀ ẹ ẹtẹẹrẹ, ọ ka Idevidi o kuku vee sere ọnị pooro nị.

1 Ịsamụwẹrị 29:8

Di Idevidi ka ọnị mẹ̀ mẹ aanị? Ọ kà sị ẹ vị ebira odivi ọnị Akisi re ịnị ụvọ anị ọnị mẹ̀ hụrẹ va yà ịda anị pooro ve tù ajịnị. Dị ọ rẹ ka, “Taarụ, sị ẹ vẹ dị wẹ̀ yị zẹẹ ka me ne pe ọnịvị awụ kụ́ ịrẹkụ?”