2 Ịsamụwẹrị 16:12 - IWE ỌNỊNỊ

¹² Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”

2 Ịsamụwẹrị 16:12 ပူးပေါင်းရင်းမြစ်များ

2 Ịsamụwẹrị 16:13

Idevidi ọnịrị aza anị ệ và tụra oze aa na, di Isimeyi ọnị zị oze ini ataba ana và eyi kà ohinọyị, dị aa kụ̀ ohinọyịị ụhụụ na di ee ne ịrẹta ọnịrị adavụ hí ọ nị.

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 109:28

Òo zee e eyi ẹ̀ẹ tụ́ ozirenu, ẹwụ vị ana vaa mẹ ka ò zee mị. Navọ ahịka vị aza ana aa dụ mị va hyẹdụ nị, dị emi ozi ahụ awụ ọ̀ va jẹ ịrajẹ.

Ahẹ Ụgama 132:1

Ẹnẹyịmavara, navọ asị u hi ayị Idevidi ọnịrị avaba ẹngụkata ọnị ọ sị ẹngụ dọ.

Ahẹ Ụgama 25:18

Navọ wa kana eyi ụya ọnị maa rị di we re ọ mẹmẹ kata mị ẹngụ Navọ wa sị ayị hụụnị avaba ebira odivi ọnị mị mẹ.

Ụhịrẹyị 25:22

Ụhị u waa mẹ̀ nyị ọ nị. Ẹnẹyịmavara vee sị wụ ụta anị.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ayịsaya 27:7

Ẹnẹyịmavara ộ yị sị ụya rị Anisirẹrị anka ọ mẹ̀ sị ụya rị ọnịvị Anisirẹrị nịnị. Ọnịvị Anisirẹrị ana a wụ ẹ rẹ rụrụ huna Anisirẹrị ana a wụ nị.

Ijowẹrị 2:14

Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

2 Anịkọrịntị 4:17

Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.

Iwe Ọhụhị Imosiisi ana aa hị́ Ọyịvatụrọda 23:5

Ama Ẹnẹyịmavara Ohomorihi awụ nịnị ẹ yị dọ ịrẹyị Ịbaraamị. Ohomorihi awụ nịnị ộ vara ozirenu ọnị Ịbaraamị tụ́ hi wu nịnị tụ ịnị ọyịza yị wụ nịnị, agụvị ka ô sì ịrẹyị awụ nịnị.

Iwe Ọhụhị Imosiisi ana aa hị́ Ọyịvatụrọda 23:6

A sị ụ mẹ̀ ịsa ọnyọọnyị ana vaa gụ wa ụvọ, à vị ịsị ẹ vaa mẹ ka ò ze yị wa pooro ịnị ẹhẹ awụ nịnị.

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

Anihiburu 12:10

Ada ayị ịnị ẹhẹ ọnọnị vị ana aa sị ụyaa rị yị mẹ ụmẹ chee kẹnẹ, anka e mè ro ka óo zoza. Ama Ohomorihi ọnị vị anaā sịị ụyaa rị yị ka ọ̀ vị ọgụ yị; ọnị ọ vị ka ya zụ vị ọnịnị, anka ọ́nị mẹ̀ rẹ vị ọnịnị.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”