2 Ịsamụwẹrị 16:10 - IWE ỌNỊNỊ

¹⁰ Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”

2 Ịsamụwẹrị 16:10 ပူးပေါင်းရင်းမြစ်များ

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

2 Ịsamụwẹrị 19:23

Di Idevidi kà a yi Isimeyi dị ọ ka ọza ọ yị vaa wụ̀ ọ. Dị ọ hị́ eku yọ nị.

2 Ịsamụwẹrị 3:39

Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

1 Ohinọyị 2:5

Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị.

2 Ohinọyị 18:25

Ẹ ka: ẹ̀ yị vị Ẹnẹyịmavara anaa mẹ ọgụvọ yị ẹnị, ẹnị ẹ yị yaanị zụ kụ́ ịrẹkụ ee vee vú Ijuda ẹtẹ. Ẹnẹyịmavara ụvọta ọ kà a ka ẹnị ẹ̀ vẹ Ijuda, dị ẹnị è ve vu ọ ẹtẹ nị.

Ijoovu 9:12

Ohomorihi ọ̀ọ sị ịsị e zee eyi, ẹnẹ zụ za? Ẹnẹ zụ họ̀ ọ use ka sị ẹ vẹ?

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ịrẹyị Ọzwọzịsa 8:4

Ohinọyị ọọ nyị ụkata ọnị ọ sịị mẹ ọda. Ẹnẹ zụ họ̀ ọ ka sị ẹ vẹ dị ọ maanị mẹ?

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imatiwu 16:23

Ama dị Ijeesu vara eyi dị ọ kà a yị Ipita ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịjọọnụ 18:11

Dị Ijeesu kà a yị Ipita ka, “Sị ụhwọ awụ chire ịhị anị! Ụ wáá ka asị mị rị ụya ana Ada amị sị mị ka ma rị nị?”

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.