2 Ịsamụwẹrị 16:1 - IWE ỌNỊNỊ

¹ Idevidi ộ maanị sị para ịrẹsụ ataba ọnọọ hu na chee, di o ne tù ka Iziba ozi ahụ Imehwibọsẹtị jẹẹ ee zị ọnị nị. Iziba ộ nyị ịkẹrịkẹtẹ ẹnyị aanị ọnị ọ sị ịsa za vabẹ, dị ọ kụ́ ụbụrẹẹdị ịrẹka tụra wa nị. Ọ rẹ kụ́ apapa ịrẹgụ ẹchẹhị ne beri akara ana a sị ẹtụtụ ihwigi ohuru-ohuru jị ọnịrị eche okoko ịtụmpaha ọnya tụ́ ọ.

2 Ịsamụwẹrị 16:1 ပူးပေါင်းရင်းမြစ်များ

2 Ịsamụwẹrị 15:30

Di Idevidi kà tụ́ ọvịdị dị aa hịrẹ ịrẹsụ ataba orivii na nị. Ọ màa na, di ee sụ́ ùnè nị. Ịrẹsụ anị vị ọnị ọ sị ịsa kụ́, ọ yị sị adava tụ́ ahụ. Avaba aza ana saasa a aa na vị ana sị ịsa kú ịrẹsụ ẹnịnị, dị ẹ yaa jị oreree na.

2 Ịsamụwẹrị 15:32

Idevidi ọ na sị ngụ ịrẹsụ ataba ịzị aza yàa hẹkẹ Ohomorihi. Di o ne tù ka Ihusayi Anaakị yà ịzọọ ka ọnị ọ̀ va gẹrị ọ nị. Awuru Ihusayi vị ana na, dị ịrẹsụ anị vị ezi-ezi.

2 Ịsamụwẹrị 19:17

Aza ẹnị akahị hụụnị ovwoovu Ịbẹnjamịnị ne beri Iziba ozi ini eehi Ịsọọrụ ệ saasa a. Iziba ộ kụ́ ezi anọrụ anị ẹwụrẹhị ne beri ezi ahụ anị oohu za. Dị ẹnịnị dọ ọvịdị ohinọyị na ngụ Ijodani nị.

2 Ịsamụwẹrị 19:32

Ibarizirayi ọnọọ ọ sị vịra ẹtẹẹtẹrẹ, ọ sị gụ́ ịrayị ẹbẹẹna. Óhinọyị mẹ̀ yà Imahanayimi ọ́ màa vaa vẹ, Ibarizirayi ộ tọ̀ọ́ ịsa naa yọ Ibarizirayi ộ nyị rị ụvọ ẹtẹẹtẹrẹ.

1 Ịtọpa 12:40

Ọnọhụva ẹnịnị hụụ idi ezi Iisaka ọnịrị Anizeburuni, hùuu na ngụ idi ezi Inahwitari ệ kụ ịsọyịrị vẹ. Ẹnịnị vị ana kụ ịsa ẹnẹẹ tụra ịkẹrịkẹtẹ, ọnịrị ịnyaakụmị beri ezi ụnọ ọnịrị tụra ụnọ ana ta hụ. Ịsọyịrị irenyi-irenyi vị ẹnẹ ẹ kụ́ vẹ hyọvọ-hyọvọ. Ệ kụ́ eche ọnịrị angwẹ beri ụnọ ọnịrị atẹmẹ nịnị vẹ agụvị ka ayị avaba Anisirẹrị ee hine.

Ụhịrẹyị 18:16

Ọza anaa mẹ ẹyịza vị ọnị oze tụ yị na ngụ ọvịdị aza ọkọọka.

Ijeremaya 40:10

Ọ kà ọnị ụvọta vaa yà Imizipa, dị ọnị ọ̀ vị odeyi ẹnịnị ụmẹ ọnị Anibabironi ẹẹ sị vẹ ịzọọ. Ama ẹnịnị ẹ̀ naa và eche, dị ẹẹ há ẹtụtụ. Ẹnịnị ẹ̀ rẹẹ mẹ angwẹ dị ẹẹ kụ ọ tẹ̀.

Ijeremaya 40:12

Dị ẹnịnị hụụ ịzị ẹ zwe ne hi, dị ẹ́ vavẹ Ijuda nị. Ẹnịnị ệ kụ ẹngụ ve tu Igidarịya Imizipa, dị ẹnịnị hàrà eche ọnịrị ẹtụtụ gụ tatarata nị.

Emọsị 8:1

Emọsị ka, Ẹnẹyịmavara Ohomorihi ộ re sị ịsa ọsa zụ ọnị. Ịsa ọnọọ ọ vị ẹtụtụ ịnị ọhahị ene vi ohihi uji nị.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

1 Ịsamụwẹrị 10:3

Ịsamụwẹrị ka Ịsọọrụ ọ̀ọ sị hụụ ịzọọ, dị ọ̀ nị na pooro dị ọ̀ na ngụ ịzị ọchị ooki ọbanyị ọnya yà ịnị ẹkụra ana aā hị́ Ịtabọ. Ọ kà â nyị ọnọrụ ẹẹta ana aa nọ ịnị irehi Ohomorihi Ịbẹtẹrị ana vaa gẹrị Ịsọọrụ ịzọọ. Ọ kà ọnya ịnị aza ẹnẹẹ vaa kụ́ ozi ẹvụ ẹẹtaa za, dị ọsa kụ́ ịbụrẹẹdị ẹẹta rị ụvọ, dị ọsa ọnị rẹ za eche ana a sị tụ́ ịnị ịtụmpaha uye.

1 Ịsamụwẹrị 16:20

Dị Ijeese kune ịsọyịrị tụra ịkẹrịkẹtẹ, dị ọ sị eche tụ́ ini okoko ọnya ana a sị ịtụmpaha mẹ, dị ọ sị ozi ẹvụ ọnya vaka a dị ọ sị tụ́ Idevidi ozi anị ka ọ̀ sị na yị Ịsọọrụ nị.

1 Ịsamụwẹrị 25:18

Di Abigẹrị wụsẹ na, dị ọ na kụ́ ịbụrẹẹdị ịrẹka ọnịrị eche ini okoko ịtụmpaha ẹẹva ne beri atẹmẹ ẹẹhị ọnị ọ chịnẹ, dị ọ kụ ọ tụra ịkẹrịkẹtẹ anị nị. Dị ọ rẹ kụ́ apaapa ẹnya ịrẹsụ ọnya ọnịrị ẹtụtụ ẹchẹhị ne beri Ịbụrẹẹdị ịrẹka ana a sị ẹtụtụ ihwigi ohuru-ohuru jị tụ́ ọ nị.