2 Ịsamụwẹrị 15:31 - IWE ỌNỊNỊ

³¹ A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 15:31 ပူးပေါင်းရင်းမြစ်များ

2 Ịsamụwẹrị 15:12

Abịsarọmị maa mẹ̀ ịsọvọ, dị ọ tụ́ na hị́ Ahitohwẹrị ana vi Anigiro ka ọ̀ hụrẹ Igiro ana vị ẹkụra anị vẹ ịnị ịsọvọ ọnị ọnị aa mẹ nị. Ahitohwẹrị vi ọnịwọjị Idevidi. Ịrẹkụ ana Abịsarọmị jị ẹnya anị aa nyị ụkataa hu avọọ, dị aza ana aa saasa Abịsarọmị raa rụrụụ hu avọọ nị.

2 Ịsamụwẹrị 16:23

Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 17:5

Di Abịsarọmị ka aarịhịnị à hị́ ọnọrụ ana aā hị́ Ihusayi yị ọnị dị ẹnị ẹ̀ wụ́ ịsị ọnị ọ̀ọ rẹ kà nị.

2 Ịsamụwẹrị 17:7

Di Ihusayi tụ́ Abịsarọmị ohi dị ọ ka, “Wáá yẹ ka iwọjị ana Ahitohwẹrị jị aanị ọ yị mẹ.”

Ijoovu 5:12

Ohomorihi oō du eto aza ana mẹ ọbọ hi wa ụvọ dị asị ẹ zụ mẹ ịsị ọnị e yee si nị.

Ahẹ Ụgama 109:3

nyị m mẹ̀ mẹ wa, ệ kwẹẹtẹ tù mị kẹnẹ ẹ yaa kà ịrẹyị ana sị zụ̀ ka ệ nyị ịhyẹrẹ amị.

Ahẹ Ụgama 3:1

Ẹnẹyịmavara, tee, aza ana aa bàrà mị ẹ sị rụrụ baaba ọ. Wéē re aza ana mẹhị kwẹẹtẹ tù mị!

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ahẹ Ụgama 55:10

Aza ana aa mẹ̀ ebira odivi vị ana gwẹtẹ ịnị ẹkụra eyinị-eyinị Ẹnịnị e si chi ẹkụra ẹngụ.

Ahẹ Ụgama 55:12

Àa vị ọnịvị amị aa mẹ mị isiya nị, ọ yị yaanị kata mị ẹngụ Àa rẹ vị ọnịrẹyị amị ee woo hi mi nị, di mi zwe na tẹ̀ yọ.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

1 Anịkọrịntị 1:20

Ịjọnọọ yọ, ịzị ọyẹrẹyị ọnịrị ọzwọzọda nịnị kuku hi? Aza ana rẹẹ̄ nyị ahankata ịnị ẹhẹ ọnọnị, ịzị eni re hi? Ohomorihi ọ raà sị zụ̀ ka ịrẹyọyẹ ẹhẹ ọnọnị vị ụra kẹnẹ-kẹnẹ.

Ijemiisi 3:15

Ẹngụ ịrẹyọyẹ ẹnẹẹ ẹ́ yị vị ịdị Ohomorihi ẹ hụrẹ vẹ, ama ịnị ẹhẹ ọnọnị ẹ hụrẹ vẹ nị, Ụhwẹ Ọnịnị ẹ́ yị nyị ụvọ tụ́ ọọ, ụkọrọ ụhwẹ echu nịnị ị yọ nị.