2 Ịsamụwẹrị 15:26 - IWE ỌNỊNỊ

²⁶ Ọ kà àa vị Ẹnẹyịmavara kà o yi zee ọnị eyi ka ọnị ọ̀ vavọọ nyị oni iyi nị, ọnị ộ dọ. Ọ kà ịsị èe zee e eyi kẹnẹ ọ mẹ̀ ọnị.

2 Ịsamụwẹrị 15:26 ပူးပေါင်းရင်းမြစ်များ

2 Ịsamụwẹrị 10:12

Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

2 Ịsamụwẹrị 11:27

Ịjị ọ sị orere anị jị ta, dị Idevidi tụ́ ka à na sị ọ va tụ́ ini eehi anị nị. Di Idevidi kụkụ nyị ọ, dị ọ ma ozi ọnọrụ ọnya yọ nị. Ama ịsa oni Idevidi mẹ avọọ ộ kụ́ Ẹnẹyịmavara ayị.

2 Ịsamụwẹrị 19:28

Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

2 Ịsamụwẹrị 22:20

Ọ yị navọ ka ịsa odivi ọ̀ mẹ mị. Ọ dọ mị tụ́ agụvị ka ô sì mị.

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

1 Ịtọpa 21:7

Ohomorihi ộ sị ụya rị Anisirẹrị nịnị agụvị ka ayị anị o yi hine tụ ịnị ịsa ẹnẹ ẹ́ mẹ aanị.

2 Ịtọpa 9:8

Ọ kà ọnị ọ́ kụ́ Ẹnẹyịmavara Ohomorihi anị avọ agụvị ka ọ raà sị zụ ayị anị mẹmẹ hine tù ọnị, dị ọ mẹ̀ ọnị ohinọyị ka ọnị sị ịrẹha mẹ̀ ịjọva tụra aza anị ịrẹsụ. Ka Ẹnẹyịmavara o sị ịrẹyị aza Isirẹrị, dị ọ sị ka ọnị o sere wa pooro zịna-zịna, dị ọ nyị Isoromọnị agụvị ọ sị ụkọ za ọda dị ọ mẹ ịzẹyịza.

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 62:4

Ọza ẹ yị kụkụ vaa hị́ wụ eneyi, a vị dị aa hị́ ẹtẹ awụ nịnị Enezweyị, ama ịrẹha ọwọọwa awụ nịnị ọ rị onimisi, Ẹtẹ awụ nịnị ọ rị Anaanyị. Agụvị ka ayị Ẹnẹyịmavara ô hine tu wụ, ọnị ọ vaa nyị ẹtẹ awụ nịnị anka ọza ộ nyị ọnẹẹ avọọ.

Ijeremaya 22:28

Ijeremaya ka, vị ohinọyị Ijehoyakimi kụkụ sị ya anka ụnọkọ ana sị chaka ẹnẹ ẹ̀ yị nyị ọza ene kuku ee sị̀, dụ ọnịrị ezi anị ne hi ẹkụra ẹnẹ ẹnịnị ẹ̀ yị vị dị yẹ́?

Ijeremaya 32:41

Ọ kà, ọnị vaa mẹ ọyịzaa yị wa dị ayị anị ee hinee tụ ọ, Ọnị vaa sị avaba ayị anịị sị ịzẹyịzaa mẹ ka ẹnịnị ẹ̀ ra ịnị ẹtẹ ọnọnị pooro.

Ịrịka 14:8

Ayị Ẹnẹyịmavara òo hine tu ẹnị, ọ va sị ẹnị na ngụ ịzọọ ẹngwọọrọ, dị ọ sị ẹtẹ ọnọọ yị ẹnị. Ịzọọ vị ẹtẹ ozoza, ẹtẹ ize.

Imatiwu 1:10

Ihezekaya ọ ma Ịmanasẹ, dị Ịmanasẹ ma Amọnị nị, dị Amọnị ọnị rẹ ma Ijosaya nị.

Ijosuwa 9:25

Ẹ ka booro aanị ẹnị ya ịnị ụvọ Ijosuwa. Ịsa tụra ịsa ọnị o ro kẹnẹ ka ọ vọrọ ọ mẹ ka ẹnị vẹ.

Ọdọvịdị 10:15

Ama dị Anisirẹrị da ịpẹ yị Ẹnẹyịmavara, dị ẹ ka ẹnẹ ẹ sị ịvị mẹ nị. Dị ẹ ka Ẹnẹyịmavara ọ sị ụya rị ẹnị ọ mẹ za eyi, ama ọ dọ ẹnị tụ nị.

1 Ịsamụwẹrị 3:18

Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.