2 Ịsamụwẹrị 15:24 - IWE ỌNỊNỊ

²⁴ Ịzadọkị ana vị ohirẹsụ irehi Ohomorihi oni rẹ yà ịzọọ ne beri avaba Anireevi nịnị ana za apoti oto Ohomorihi. Ẹnịnị ê chi apoti oto Ohomorihi ọnọọ tịtẹ, dị Abiyata aa mẹ̀ ịsọvọ nị. Avọọ ọ mẹ̀ mẹ̀ ịsọvọ ọnọọ pooro dị avaba aza hụụnị ẹkụra nị.

2 Ịsamụwẹrị 15:24 ပူးပေါင်းရင်းမြစ်များ

2 Ịsamụwẹrị 15:27

Di ohinọyị rẹ kà a yi Ịzadọkị dị ọ ka, “Ẹwụ vi eneē re ẹtẹ. Ẹwụrị ozi ewu Ahimaazị ọnịrị Ijonatani ozi Abiyata ọ̀ varẹma nọ ịnị ẹkụra ka ẹ yị nyị ịrẹyị. Ẹwụrị Abiyata ọ̀ kụ́ ezi ewu nịnị ẹyịva za.

2 Ịsamụwẹrị 15:35

Idevidi rẹ ka Ịzadọkị ọnịrị Abiyata ẹnị ẹyịva ana vị ohirẹsụ irehi Ohomorihi vaa yà ịzọọ pè Ihusayi. Ọ kà ọ̀ kà ịrẹyị tụra ịrẹyị ẹnẹ ẹ̀ẹ wụ́ ịda ohinọyị yi wa.

2 Ịsamụwẹrị 20:25

Isiya ọnị vị ọchẹrịsa ini eehi ohinọyị, di Ịzadọkị ọnịrị Abiyata ẹnị vị ohirẹsụ ẹbanyị irehi Ohomorihi nị.

2 Ịsamụwẹrị 6:13

Aza ana na sị apoti ọnọọ aa vẹ mè ree hu ahụ ịhịnọnyị, dị ọ ka ẹ̀ jẹẹ, dị ọ sị akụ imaaru ọnịrị imaaru ana a pá ka ọ̀ banyị, dị ọ wụ̀ wa dị ọ sị mẹ̀ ịsọvọ yị Ẹnẹyịmavara nị.

2 Ịsamụwẹrị 8:17

Ịzadọkị ozi Ahitubi ọnịrị Ahimẹrẹkị ozi Abiyata ẹnị vị ohirẹsụ irehi Ohomorihi. Iseraya ọnị vị ọchẹrịsa,

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

1 Ohinọyị 2:26

Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.”

1 Ohinọyị 2:35

Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.

1 Ịtọpa 15:2

Dị Idevidi ka, ẹ̀ yị vị Anireevi nịnị ịnya, ẹ yị nyị aza ẹnẹsa ana vọrọ ka ẹ̀ sị apoti oto Ohomorihi nị, ka ẹnị Ẹnẹyịmavara nyị ka ẹẹ sị apoti anị, dị ẹ̀ rẹẹ mẹ ụkọrọọ yị ọnị pooro nị.

Ezikẹẹrị 48:11

Ẹnị ohirẹsụ irehi Ohomorihi ana vị evere Ịzadọkị ẹ vaa nyị aha ọnịnị ọnọnị nị. Ẹnẹyịmavara kà ẹnịnị ệ sị ịzẹyịza hẹkẹ ọnị. Ẹnịnị ẹ́ yị saasa Anisirẹrị ana vọ na mẹ̀ ịsa ẹnẹ ẹ̀ yị vọrọ anka Anireevi nịnị.

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

Ịrịka 7:9

Ama ẹ yị nyị ịsị Imosiisi sị yị Anikohati nịnị agụvị ka ẹnị e sị eyi pe ụkọrọ ẹnya Ẹnẹyịmavara ana a sị ịrẹsụ ịza kụ nị.

Ijosuwa 3:3

Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa.

Ijosuwa 3:6

Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị.

Ijosuwa 6:4

Ọ kà a Ijosuwa ọ ka yị ohirẹsụ irehi Ohomorihi ịhịmba ka ọzọza ọ sị ọpanyị ịdẹba rị ụvọ tụ ọvịdị apoti oto; ịhị ẹ tụ ọ ẹkụhị ịhịmba dị ẹnịnị ẹ zị ụsẹ jesi kara Ijeriko ụpẹ ịhịmba, dị ohirẹsụ irehi Ohomorihi nịnị ee hu ọpanyị ẹnịnị.

Ijosuwa 6:6

Dị Ijosuwa ana vị ozi Inuni hị́ ẹnị ohirẹsụ irehi Ohomorihi nịnị gụ, dị ọ ka ẹnịnị ẹ sị apoti oto Ẹnẹyịmavara nị, dị ọ nyị ẹnị ịhịmba ka ọzọza ọ sị ọpanyị ịdẹba dị ẹ dọ ọvịdị nị.

1 Ịsamụwẹrị 22:20

Ama Abiyata ana vi ozi Ahimẹrẹkị ana ada anị vị Ahitubi ọnị o si zwe, dị o ne tù Idevidi nị.

1 Ịsamụwẹrị 4:11

Anihwirisiti nịnị ẹ raà dọ Anisirẹrị apoti oto Ohomorihi. Dị a wụ̀ Ihohwini ọnịrị Ihwinehasi ana vị ezi Eri nị.