2 Ịsamụwẹrị 15:20 - IWE ỌNỊNỊ

²⁰ Óò yi kù ọnị ụ vẹ ịzẹnị. Mẹ yị wụsẹ nyẹngụ sị wụ ka waa ngụ ọ zị beri eyi. Ẹmị ịnyẹmba ọ yị hyakụ yẹ ịzị maa nọ. Varẹma dị wa na sị anẹkụra awụ dị ẹwụrị wa ọ̀ zị. Ohomorihi ọ̀ navọ ọ̀ vayị awụ, dị ọ̀ sị ịzẹyịza anị jẹẹ pè wu.”

2 Ịsamụwẹrị 15:20 ပူးပေါင်းရင်းမြစ်များ

2 Ịsamụwẹrị 2:5

Di Idevidi va tụ́ ka à na kà a yi Anijabesi Anigiriyadi ka Ẹnẹ ẹ yị mā vara vee sere wa. Ọ kà ệ mẹ̀ ẹ dị ẹ vavọọ vayị Ịsọọrụ ọga anị di e ne nē e.

2 Ịsamụwẹrị 2:6

Ọ kà Ẹnẹyịmavara anaā mẹ ịzẹyịza pooro ọ̀ vavọọ ọ̀ vayị ẹnịnị, dị ọ̀ mẹ ka ò zee yi wa. Di Idevidi ka oni vee si wa atọ ebira ozoza ẹnị ẹ maanị mẹ aanị.

Ahẹ Ụgama 25:10

Aza ana sị ụvọ za ọda Ẹnẹyịmavara vaa yẹ ka ộ nyị ịzẹyịza di o ree sì ịrẹyị ọza ịnị avaba ịsa ana aa mẹ nị.

Ahẹ Ụgama 56:8

Wê re m maa rị ụya dị maa ka ẹgọ eyi mâ yẹ ka wâ chẹrẹ ẹ tịtẹ.

Ahẹ Ụgama 57:3

Ohomorihi vaa hụrẹ ini ihinẹba vẹ, dị ọ va dọ mị tụ́ Avaba aza ana kwẹẹtẹ tù mị vị ọnị ọ vaa mẹ ụhịị nyị Ohomorihi vi ene vee sì ịrẹyị amị pooro, ọ yị vee vene mị.

Ahẹ Ụgama 59:15

Di e yee sì ịsọyịrịị zi woowoo di e yee nowu ịnẹ ọ̀ọ yị há wa.

Ahẹ Ụgama 61:7

Ohomorihi, navọ kwogwo ohinọyị ọ̀ maanị yị yà eyi awụ dị ọọ mẹ ohinọyị pooro Navọ we sere e anka u mè sii sì ịrẹyị ọza, dị ụ rẹ nyị ịzẹyịza.

Ahẹ Ụgama 61:8

Wàa maanị mẹ, dị maa jị ahẹ kụ́ wụ avọ pooro Ịsị mị ka maa mẹẹ wụ, dị mị vavọọ aa mẹ̀ ẹ wụ eyinị-eyinị.

Ahẹ Ụgama 85:10

Aza vaa nyị ayị ọnya, di e yee sì ịrẹyị ẹngụ, dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.

Ahẹ Ụgama 89:14

Ịsa ana vọrọ ọnịrị ịzẹyịza ụ jẹẹ ịrẹsụ anị aa mẹ ohinọyị nị. Ọza vị oni ụụ̄ sì ịrẹyị anị, wẹ mā mẹ ọza apẹ.

Ụhịrẹyị 14:22

Ọza ene tenyi ẹngụ ọyị mẹ̀ odivi vị enee nyeeyi, ama ebira ozoza vị ana sị ụbanyị yị ọza, dị a rẹ sị ayị tụra a.

Ụhịrẹyị 3:3

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Emọsị 8:12

Dị aza ee zwe woowo vaa chi, vaa hịrẹ, dị e yee si ịzị ẹ vaa wú ịrẹyị anị. Ama ẹnịnị e yị vee re e.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

1 Ịsamụwẹrị 23:13

Di Idevidi ọnịrị aza anị sị hụrẹ Ikeyira, dị ẹ yaa ngụ ọ zị nị. Aza Idevidi vị ẹnị akata. Dị a rẹ na sị ọ kà yị Ịsọọrụ ka Idevidi o si zwe hụrẹ Ikeyira nị. Dị Ịsọọrụ ọ̀ yị kụkụ nọ ịzọọ nị.