2 Ịsamụwẹrị 14:6 - IWE ỌNỊNỊ

⁶ Taarụ, Mâ ma ezi anọrụ ẹẹva. Ê mè hi ịnị aarẹ, dị e ba egidi, dị ẹ yị nyị ọza ịzọọ ana a vọrọ ka ò ji wa. Di ọnya và ịsa hi ọsa ẹngụ, dị ọ sị ọ wụ nị.

2 Ịsamụwẹrị 14:6 ပူးပေါင်းရင်းမြစ်များ

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

2 Ịsamụwẹrị 13:29

Ịzẹyịza dị aza Abịsarọmị za Amịnọnị dị ẹ wụ̀ ọ anka a mẹ̀ kà a yị wa nị. Di ezi ohinọyị ana vọ kwẹẹtẹ, dị ẹ hịrẹ ịkẹrịkẹtẹ ẹnịnị, di e kú zwe nị.

2 Ịsamụwẹrị 14:5

Di ohinọyị ka, “Úú mè re?” Dị ọnẹẹ ọnọọ ka, “Osoku mị vị nị. Ọva amị ô wusu.

2 Ịsamụwẹrị 14:7

Dị avaba anineehi amị kwẹẹtẹ tù mi. Ẹ kà mà sị ozi amị ana wụ̀ ọyịnyara aanị vẹ, dị ẹnị ẹ̀ wụ́ ọ dọ ọyịnyara anị ọnị ọ wụ ịrẹsụ. Ẹ̀ẹ vavọọ mẹ dị ẹ sị ozi ana a vọrọ ka ọ̀ kụ́ ogu ada anị wụ̀, dị ọnị sị vị ọnị ụvụvụrụ, dị ọva anị ọ yị rẹ nyị ọza ana a vọrọ ka à sịị̄ hị́ ịrẹha anị ịnị ẹhẹ.”

Ọyịkụra 2:13

Ịhị ọsa ọ rẹ jịnẹ nọ ẹhẹ. Dị ọ na hụrẹ hi Anihiburu ẹẹva aa zyaazị nị. Dị ọ hị́ ọza ene sì ịrẹyị di aa kà a yọ dị ọ ka: Sị ẹ vẹ di ee tụ́ ọhụva anị?