2 Ịsamụwẹrị 14:25 - IWE ỌNỊNỊ

²⁵ Abịsarọmị ô zoza pooro ọza o yi re ẹngụ anị ịnị avaba Anisirẹrị. Avọọ aza màa kà a nị. Hụrẹ ịrẹsụ anị huu na ngụ ahẹtẹ anị, ẹ yị nyị ịsa ikonya ene e zụ si du ọ.

2 Ịsamụwẹrị 14:25 ပူးပေါင်းရင်းမြစ်များ

1 Ohinọyị 1:6

Ada Adonija ộ yị maanị tụ́ ọ ohuvọ ẹkụhị ọnya da a mẹ̀ hụrẹ ma a, ka sị ẹ vẹ dị ọ maanị mẹ Adonija vị ana nyayịnẹ zoza, dị ahịka ọnị a ma tụra Isoromọnị nị.

Ijoovu 2:7

Ịzẹyịza, dị Echu hụụ ịzọọ ne tu Ijoovu nị. Dị ọ mẹ ka ịtahụ ọ tụra hi Ijoovu ẹngụ ọmọọma, dị aa va enyi chava nị.

Ụhịrẹyị 31:30

Uzoza ọ zụ vene ọza o, ọ vaa sa, ama ọnẹẹ ana nyị angwahi Ẹnẹyịmavara vị ana vọrọ ka àa ga.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ezikẹẹrị 23:15

Ẹnịnị vị ana jị obo sụ ọtẹ, dị ẹ jị ubobo daara-daara nị. Avaba ẹnịnị vị ana sị mẹẹ anka ọdọvịdị isoja Anibabironi nịnị ana hụrị ẹtẹ Anikaridi nị.

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Imatiwu 23:27

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Vị ụ sị mẹẹ nịnị anka ikuta enee sisi ọda ọvwọọvụ avọọ nị. Wèe re ẹhẹẹhẹ anị, ô zoza; ama ịnịnẹ vị ẹchụkụ-ẹchụkụ oku ọnịrị ịdọtị-ịdọtị.

Anẹhwẹsọsị 5:27

Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị.

Iwe Ọhụhị Imosiisi ana aa hị́ Ọyịvatụrọda 28:35

Ẹnẹyịmavara vaa mẹ ka ahụ awụ nịnị ẹ̀ jị ikenebe anaā zị ọza ẹtẹẹtẹrẹ, dị ọza ẹ yị zụ mẹ̀ ẹ. Ịtahụ vaa tụraa hi wu nịnị ẹngụ hụụnị ịrẹsụ va ngụ ịnị ahụ.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.

1 Ịsamụwẹrị 9:2

Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.