2 Ịsamụwẹrị 14:2 - IWE ỌNỊNỊ

² Di Ijowabi va tụ́ nọ ịzị aā hị́ Itekowa dị ọ na sị ọnẹẹ ọnya aanị ana yẹ ịrẹyị hụụ ịzọọ vẹ nị. Ọ́ mẹ̀ na sị ọ dị ọ kà a yọ ka ọ̀ và ịta kú ẹngụ, dị ọ̀ mẹ anka ọza oni oku sú dị aa jị òrèrè avọọ. Ọ kà asị ọ da ịsa sisi ẹngụ, dị ọ̀ sị mẹ̀ ẹ ka o si kú ọnị ọ hụrẹ aa jị òrèrè oku ene sú ọ.

2 Ịsamụwẹrị 14:2 ပူးပေါင်းရင်းမြစ်များ

Oyinyima 38:19

Ịtama mẹ̀ zị nọ ini eehi, dị ọ na ngwa ubobo anị tịtẹ, dị ọ rẹ sị ịta orere anị chire nị.

2 Ịsamụwẹrị 11:26

Óse Uriya mẹ̀ wụ́ ka ọva anị ô wusu, dị ọ jị òrèrè anị nị.

2 Ịsamụwẹrị 12:20

Idevidi mẹ̀ vavọọ wụ́, dị ọ hụ̄ enyi, dị ọ dá ịsa sisi ẹngụ anị nị. Di o chire awuru ọsa, dị ọ ngụ ini irehi Ẹnẹyịmavara di o kú ẹtẹ kụ́ ọ nị. Dị ọ varẹma nọ ini eehi anị dị ọ ka à sị ịsa yị ọnị, dị a sị ịsa yọ, dị ọ rị ọ nị.

2 Ịsamụwẹrị 20:16

 nyị ọnyẹnẹẹ ọnya aanị ana yẹ ịrẹyị ana yà ịnị ẹkụra ọnọọ. Di o nowu dị ọ ka, “Batọ nịnị! Aarịhịnị kà a yị Ijowabi ka ọ̀ kà vẹ ka â nyị ịsị mee sì ka ma ka yọ.”

2 Ịsamụwẹrị 23:26

Iherezi Anipariti, Ịra ozi Ikesi ana vị Anitekowa,

1 Ohinọyị 14:2

Di Ijerobowami kà a yi ose anị dị ọ ka, “Kwẹẹtẹ, di wa vara ẹngụ, dị asị ọza yẹ ka ẹwụ vị ose ẹmị Ijerobowami nị, dị wa nọ Isiro. Booro aanị Ahija ana vị ọnịsẹ yà ịzọọ. Ọnị ọ vịdị kà a mị ịhị ọnọọ ka ẹma vaa vị ohinọyị aza ẹnẹnị nị.

1 Ohinọyị 14:5

Dị Ẹnẹyịmavara va kà a yi Ahija dị ọ ka, “Wéē re, ose Ijerobowami aa vaa họ̀ wu use ịrẹyị ini ịrẹyị ozi anị ẹnị ẹngụ aa zị. Aanị u mè vee tụ́ o ohi nị, o! Ọ raà mẹ apẹ ka ọnyẹnẹẹ ọsa kẹnẹ ọnị vị nị.”

2 Ịtọpa 11:6

Ẹkụra ọnị ọ jị ọvọ kara ẹ vị, Ịbẹtịrẹhẹmị, Etami, Itekowa,

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Inehemaya 3:27

Dị Anọrụ Itekowa tenyi ọvọ hụrẹ irehi ọgọdọ ọbanyị ne tu ọvọ ana gụrị Ohweri.

Inehemaya 3:5

Dị ezi Itekowa tụra ọvọ gụrị Ịzadọkị nị. Ama ọdọvịdị ẹnịnị ẹ yị bẹ ụvọ tụ ịnị ụkọrọ ene tu wa.

Ahẹ Ụgama 104:15

Wâ mẹ ka ẹ̀ nyị eche ẹnị e vee hú dị ayị ẹnịnị òo hine, di ẹ̀ rẹ nyị angwẹ ene e ve sii sisi eyi, di eyi ẹnịnị ọ̀ọ swa. Ẹ rẹ nyị ịsọyịrị ana vaa sị ụkataa yị wa.

Ịrẹyị Ọzwọzịsa 9:8

Wee hine ayị nịnị dị waa jẹ ịrajẹ nịnị pooro kẹnẹ.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Imatiwu 6:17

Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ,

Iruutu 3:3

Na hụ enyi dị wa dá ịsa sisi ẹngụ di we chire awuru awụ, di wa nọ ịzị eē tụ́ ịsa. Ama asị ụ zẹẹ ka Ibowazị ọ̀ yẹ ka wụ yà ịzọọ pooro dị ọ rị, dị ò hú.