2 Ịsamụwẹrị 14:17 - IWE ỌNỊNỊ

¹⁷ Dị ọnẹẹ rẹ ka, “Taarụ, mê ro ka ịrẹyị awụ vaa sị ayị amịị nẹtẹ. Mâ yẹ ka vị ụ sị mẹẹ anka anggẹẹrị Ohomorihi avọọ nị. Wâ yẹ ịsa ozoza ọnịrị odivi. Ẹnẹyịmavara ana vị Ohomorihi awụ ọ̀ yà beri ewu.”

2 Ịsamụwẹrị 14:17 ပူးပေါင်းရင်းမြစ်များ

2 Ịsamụwẹrị 14:18

Di ohinọyị tụ́ ọnẹẹ ọnọọ ohi dị ọ ka aarịhịnị asị ọ sị ịrẹyị tẹ yị ọnị ịnị ịrẹyị ọnị ọnị aa vaa họ̀ ọ aanị. Dị ọnẹẹ ọnọọ ka taarụ, ọ̀ọ họ̀ use ịrẹyị anị nị.

2 Ịsamụwẹrị 14:20

Ijowabi ozida awụ ọ kà avaba ịrẹyị ọnịnịị mị ka ma vavọọ va kà a wụ nị. Ijowabi vị ana maanị va kà ka ịsavọọ ịsị aa na aanị ọ̀ zụ vara. Taarụ, mâ yẹ ka wâ yẹ ịrẹyị anka anggẹẹrị Ohomorihi avọọ. Ẹ yị nyị ịsị aa na ịnị ẹtẹ ọnọnị ọnị wẹ̀ yị yẹ.”

2 Ịsamụwẹrị 19:27

Taarụ, ệ vẹ di e ve du mi zụ̀ wụ nị. Nda taarụ vị ụ yà anka anggẹẹrị Ohomorihi avọọ nị. Ịsị èe zee wu eyi kẹnẹ ụ mẹ̀ ẹ.

2 Ịsamụwẹrị 19:28

Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

1 Ohinọyị 3:28

Avaba Anisirẹrị mẹ wụ̀ ọkarẹyị ọnị ohinọyị mẹ̀, di o hi wa eyi agụvị ka ê re ka Ohomorihi ọ sị ịrẹyọyẹ yọ ana aā sịị mẹ̀ ọkarẹyị nị.

1 Ohinọyị 3:9

Aarịhịnị navọ wa sị ịrẹyọyẹ yị mị dị ma zụ yẹ irenyi ana yà ịnị akakana ọyịza ọnịrị odivi. À yị vị avọọ ẹnẹ zụ mẹ̀ ọkarẹyị aza awụ ana maanị dẹngụ aanị?”

Ijoovu 6:30

Asị e ro ka ọnị e cheeche nị a vị ka ọnị ẹ yị yẹ ọyịza hi odivi nị.

Ụhịrẹyị 27:21

Ịra a sịị̀ zama igooru ọnịrị isiriva re nị, ịsị aza aa kà ịnị ịpa ọza a sịị̀ yẹ ẹngụ ọza ọnị ọ vị nị.

Ụhịrẹyị 29:5

Ọza eneē vene ọza sị mẹ anka ọza ọ̀ọ va ịrẹpa zị ọza avọọ nị.

Anihiburu 5:14

Ịsa ọyịrị obooro ázọkụụ̄ rị nị. Ẹnịnị ệ kọsẹ ịrẹyọyẹ, agụvị avọọ ẹ sị ọyịza ọnịrị odivi yẹ.

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

1 Ịsamụwẹrị 29:9

Dị Akisi ka ọnị ộ yẹ ịzẹyịza ka ebira Idevidi vi ene zoza anka ebira anggẹẹrị Ohomorihi avọọ. Ọ kà ama ọga isoja Anihwirisiti nịnị ka asị ọ saasa ẹnị nọ ịrẹkụ.