2 Ịsamụwẹrị 14:14 - IWE ỌNỊNỊ

¹⁴ Yèe wusu vị ị sị mẹẹ anka enyi ana à và hi ẹtẹ avọọ nị. Ọza ọ yị kụkụ kụ́ ọ varẹma. Ohomorihi ọ mà sị ọza kwooze, ama ọọ̄ mẹ ariro ka aza ana a dụ kwooze, asị ọnị dụ ọ ọza ọnọọ hụrẹ ẹngụ.”

2 Ịsamụwẹrị 14:14 ပူးပေါင်းရင်းမြစ်များ

2 Ịsamụwẹrị 11:25

Di Idevidi tụ́ ọnụtụ ọnọọ ohi dị ọ ka ọ̀ kà a yi Ijowabi ka asị o du ayị. Ọ kà ọza ọ mā yẹ ọza ene vee sú ịnị ịrẹkụ. Dị ọ rẹ ka ẹ̀ dà pè ẹkụra ọnọọ dị ẹ wụ̀ wa và ha. Ọ kà ọ̀ vavọọ kà a yi Ijowabi dị ọ sị tụ́ ọ ọtụtụrụma.

2 Ịsamụwẹrị 14:15

Dị ọ rẹ ka, “Ada ayị Taarụ Ohinọyị, aza ee chire mị angwa ọnị ọ mẹ ka ma va kà ịrẹyị ọnọnị wụ nị. Mê ro ka ịsọvọọ ịsị màa dá ịpẹ anị, ụ vaa mẹ̀ ẹ.

1 Ohinọyị 11:39

Ẹnẹyịmavara rẹ ka ọnị vaa sị ụyaa rị ozi Idevidi agụvị ebira ẹnị ẹ mẹ aanị. Ọ kà ama ẹ yị vị ka vị ọ vaa rị ụya ọnọọ pooro nị.”

Ijoovu 14:14

Aza òo su ọ́ọ́ vaa ịrẹma vẹ ịnị ẹhẹ? Aa vị avọọ yọ nị, ọnị aa jẹẹ zi ụmẹ ozoza ọnị akanya vaa sị ta.

Ijoovu 30:23

Ọ kà ọnị ọ yẹ ka Ohomorihi aa sị ọnị na yị usu ịzị avaba ọza vaa nọ.

Ijoovu 34:15

Avaba aza ana yara vee ene su, dị o vara ezi ini eteesu.

Ijoovu 34:19

Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị.

Ahẹ Ụgama 22:14

Ẹhẹ amị aa ta na, avaba ẹchụkụ amị ẹyị kụkụ gẹ ẹngụ Ayị amị ọ sị sụ enyi hi mị ẹngụ anka ụsụ avọọ.

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Ahẹ Ụgama 58:7

Navọ ayị ẹnịnị ò hi anka enyi mèe sìi parahu dị ayị hi avọọ Ẹ̀ẹ raà kụ́ ẹnya ịrẹkụ tù ọza, asị ụ zẹẹ ka à nyị ịsị ẹ zụ mẹ.

Ahẹ Ụgama 77:8

Ohomorihi vi ene ee vidii sì ịrẹyị ọza pooro dị ọ yị mā tụ́ ọ, vị ọnọọ wáá ta aanị nị? Ịsị ọ vịdị, ka ọnị vaa mẹẹ yị, vị ọ́ọ́ raà sị ayị hụụnị anị pooro aanị nị?

Ahẹ Ụgama 79:3

Ệ jị aza awụ kara Ijerusarẹmị anka enyi avọọ, hyakụ nyị aza ana a vọrọ ka ò nē oku aza awụ.

Ahẹ Ụgama 90:10

Ịrayị ẹtarẹwụ kẹnẹ ị nyị ọ mị mẹ ịnị ẹhẹ ọnọnị nị, ọza ana àa nyị ụkata dị aanị gụ ẹbẹẹna. Avaba anị vị vị ẹngụkata ọnịrị ayodu. Ịsọnị-ịsọnị ẹhẹ ayị ộ ta, ye si hu.

Ahẹ Ụgama 90:3

Wâ mẹ ka aza ẹ̀ rẹ varẹma nọ ini eteesu Wâ hị́ wa ka ọza rẹ varẹma nọ ini eteesu.

Ọyịkụra 21:13

Ama àa vi o nyeeyi nị, di ò zwe nọ ịzị mị vaa nyị ka ẹngụ aza enee è zwe nọ.

Ịrẹyị Ọzwọzịsa 9:5

Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị.

Arụwẹ 3:31

Ananyị yị ọyị vee yi yị tịtẹ pooro.

Ezikẹẹrị 18:23

Ẹnẹyịmavara Ananyị ụkata hu aa họ̀ ka, ví wéé roo ka vị ayị anịị hine ka ọza odivi ee su nị? Éyiye, Ọnị òo re ka ộ và hụụnị ebira odivi anị, dị ọ́ yara nị, vị ayị anịị hine nị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Ịrịka 35:15

Ẹkụra ẹnẹnị vaa vị aha ọyị tẹ̀ yị Anisirẹrị nịnị ẹnịrị azọga ene hi ịnị akakana ẹnịnị ene èe nyeeyi wụ̀ ọza di o zwe na tẹ̀ ịzị ẹ gụrị ọ.

Ịrịka 35:25

Dị ịragụ dọ ọza ene nyeeyi wụ̀ ọza aanị tụ́, dị aa sị ọ na tụ́ ẹkụra aha ọyị tẹ̀. Dị ọ ya ịzọọ pooro ne tụ́ ụmẹ ọnị ohirẹsụ ọbanyị irehi Ohomorihi ohirẹsụ o sú.

Ịrịka 35:28

Ẹ yị vị ohirẹsụ ọbanyị irehi Ohomorihi ohirẹsụ sú, ọ yị nyayịnẹ jịnẹ tụ́ ẹhẹ. Ama o wu su ọ zụ kụkụ aa ne eehi anị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Odeyi 10:34

Dị Ipita nyima, dị ọ ka, “Ịzẹyịza, mê re ka Ohomorihi ọ mā nyị ọza remeyi.

Aniroomi 2:11

agụvị ka Ohomorihi ọ mā nyị ọza remeyi.

Iwe Ọhụhị Imosiisi ana aa hị́ Ọyịvatụrọda 10:17

Ẹnẹyịmavara Ohomorihi awụ nịnị o hụụnị avaba ori nịnị ọnịrị avaba ụkata irenyi-irenyi. Ọ́ banyị, di o chi ẹtẹ ẹngụ nị. Ọnị a vọrọ ka ee hí angwa anị nị. Ọ yị mā nyị ọza re eyi, dị ọ yi mā dọ ochirerenu nị.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.