2 Ịsamụwẹrị 12:9 - IWE ỌNỊNỊ

⁹ Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.

2 Ịsamụwẹrị 12:9 ပူးပေါင်းရင်းမြစ်များ

2 Ịsamụwẹrị 11:4

Di Idevidi tụ́ na hị́ Ịbatịsẹba, dị o ve tù ọọ nị. Dị Idevidi za a dị ọnịrị ọ sị sụ̀ nị. Ịnị ụmẹ ọnọọ Ịbatịsẹba vị anaa za ido ụnị ana aā mẹ ịrẹma ịsa ụhwẹ ọnyẹnẹẹ. Ịjị ọnịrị ẹ vavọọ sị mẹ, di Ịbatịsẹba si hu aa nọ eehi anị nị.

2 Ịsamụwẹrị 12:10

Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

2 Ịsamụwẹrị 16:7

Di Isimeyi aa kụ́ ohinọyị ụhụ dị ọ kà, “Wa nee, wa nee, ọwọza, ọza odivi.

1 Ohinọyị 15:5

Idevidi ộ mẹ̀ ebira ana vọrọ ini eyi Ẹnẹyịmavara. A yi nyị ụmẹ ọnị ọ sị sị ahụ jị ọchị nyee ịnị avaba ọda ẹnị Ẹnẹyịmavara mẹ yọ, pooro ịnị ẹhẹ anị, à yị hụhụ vị ịnị ịrẹyị Uriya Anihiti kẹnẹ.

1 Ohinọyị 21:19

Wèe tù ịzọọ dị wụ kà a yọ ka, ‘Ẹnẹyịmavara kà wa kà a yọ ka ọ sị ọza wụ̀, ọ rẹ raà kụ́ ogu anị. Rẹ kà a yọ ka Ẹnẹyịmavara kà ịzị irezi yà rèé anya Ịnabọtị avọọ, ịzọọ irezi rẹ vaa yàa rèé anya anị bẹẹ nị.’ ”

2 Ịtọpa 33:6

Ezi anọrụ anị vị ọnị ộ rị ịra mẹ̀ ịsọvọ ịnozi Ihinọmị. Ộ ha ẹva, ô re ẹtẹ, ộ mẹ̀ avọkumeyi, ô pe arịjẹnụ ka ịrẹyị. Ộ nyayịnẹ mẹ̀ ebira odivi ana kụ́ Ẹnẹyịmavara ayị ẹtẹẹtẹrẹ nị.

Ahẹ Ụgama 51:14

Ohomorihi ana dọ mị tụ́, navọ wa vagu mị agụvị ọza ọnị mị wụ Wàa raà vagu mị, mị vaa jị ahẹ kụ́ wụ ka ọnịzẹyịza ụ vị nị.

Ahẹ Ụgama 51:16

We mē sì ka ọza ọ̀ọ mẹ ịsọvọọ wụ à yị vị avọọ mị yaanị kụ́ ịsọvọ vẹ We mē sì ka ọza ọ̀ọ mẹ̀ ịsọvọ dị ọ̀ọ rị ọ ịra wụ.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ahẹ Ụgama 90:8

Wâ yẹ avaba ebira odivi ọnị yaa mẹ, ẹ yị nyị ikonya ọnị ụ wẹ̀ yị yẹ.

Ụhịrẹyị 14:2

Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ijeremaya 18:10

dị Aza ẹnẹẹ ẹ̀ẹ sị ahụ jịnẹ ọda anị dị ẹ kụkụ aa mẹ̀ ebira odivi nị, ọnị vaa vàa hụụnị ịsị ọnị ka ọnị aa mẹ̀ ẹ yị wa.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

1 Ịsamụwẹrị 15:19

Sị ẹ vavẹ dị ụ mẹ̀ akamawụ hi Ẹnẹyịmavara? Sị ẹ vẹ dị ụ maanị mẹ̀ ebira odivi ini eyi Ẹnẹyịmavara dị ụ na kụ́ ogu oni u re éyi ịrẹkụ?”

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”