2 Ịsamụwẹrị 12:31 - IWE ỌNỊNỊ

³¹ Di Idevidi za anẹkụra ọnọọ nị. Dị a kụ́ ẹnya ụkọrọ enyusẹ-enyusẹ ọnịrị ịraga yi wa ka ẹ̀ sịị mẹ̀ ụkọrọ nị. Dị ẹnịnị aa jị ịbụrọọkụ nị. Avọọ Idevidi mẹ̀ mẹ avaba anẹkụra Anamọnị nị. Di Idevidi ọnịrị avaba isoja anị varẹma aa nọ Ijerusarẹmị nị.

2 Ịsamụwẹrị 12:31 ပူးပေါင်းရင်းမြစ်များ

2 Ịsamụwẹrị 8:2

Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

1 Ịtọpa 20:2

 nyị ori ana Anamọnị nịnị nyị ana aā hị́ Imorẹkị ori ọnọọ ộ nyị amu ohinọyị ana a sị igooru mẹ. Amu ọnọọ ộ rata ikirogirami ohurẹẹwụ tụra ẹẹna.  nyị ịsa ọvị ana yà ịnị amu ọnọọ, dị Idevidi sị ọ, dị ọ sị tụ ịnị amu anị nị. Ộ rẹ kụ ẹnya ana dẹngụ hụrẹ ẹkụra ọnọọ.

1 Ịtọpa 20:3

Ộ kụ́ anẹkụra ọnọọ, dị ọ kụ anyụ, ẹdụ enyusẹ-enyusẹ, ọnịrị ịraga chire wa ụvọ ka ẹ̀ sịị mẹ̀ ụkọrọ nị. Avọọ Ídevidi mẹ̀ rẹ mẹ anẹkụra-ẹkụra ana vọ ene hi ẹtẹ Amọnị nị. Dị ọnịrị aza anị va varẹma nọ Ijerusarẹmị nị.

Ijeremaya 43:9

ọnị ọ̀ kụ ịrẹta ọgana-ọgana, dị ọnị ọ̀ kụ wa tụ ịnị ịnẹ. Ọ kà, ọnị ọ̀ sị ịnẹ ọnọọ chire ẹtẹ ọvịdị, ịzị á zị ngụ ịnị eehi ohinọyị Ihwarawo ẹkụra ọnọọ. Ẹnẹyịmavara kà, ọnị ọ̀ mẹ̀ ẹ eyi Anisirẹrị nịnị.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Anihiburu 11:37

Aza ẹnyị vị ana a sị ịrẹta wụ, aza ẹnyị vị ene e che hi ẹẹva, dị a rẹ sị ụ̀hwọ̀ wụ̀ aza ẹnyị nị. Aza ẹnẹẹ vị onosiye, dị ahịka ịtụmpaha atẹmẹ ọnịrị ẹ́ẹvụ éyee chiree zịịzị nị. Â sị ụya rị wa ẹnẹmẹhị.

Ijosuwa 10:15

Ịjị ịrẹkụ sị jị, dị Ijosuwa ọnịrị aza anị varẹma nọ ịzị e chi Igirigari nị.