2 Ịsamụwẹrị 12:20 - IWE ỌNỊNỊ

²⁰ Idevidi mẹ̀ vavọọ wụ́, dị ọ hụ̄ enyi, dị ọ dá ịsa sisi ẹngụ anị nị. Di o chire awuru ọsa, dị ọ ngụ ini irehi Ẹnẹyịmavara di o kú ẹtẹ kụ́ ọ nị. Dị ọ varẹma nọ ini eehi anị dị ọ ka à sị ịsa yị ọnị, dị a sị ịsa yọ, dị ọ rị ọ nị.

2 Ịsamụwẹrị 12:20 ပူးပေါင်းရင်းမြစ်များ

2 Ịsamụwẹrị 12:19

Idevidi ô re ezi ahụ anị màa kà ịrẹyịị chire ẹngụ ụtọ, dị ọ sị yẹ ka ozi ọnọọ ô wusu nị. Di Idevidi va họ̀ ezi ahụ anị use ka vi ozi ọnọọ wéé wusu nị? Dị ẹnịnị ka ô wusu ộ.

2 Ịsamụwẹrị 12:21

Dị ezi ahụ anị ka, “Sị waa mẹ aanị? Ozi ọnọọ mẹ̀ yà ịzọọ, wẹ yị rị ịsa, wee sụ́ ùnè. O ve wusu dị ụ kwẹẹtẹ dị waa rị ịsaa?”

2 Ịsamụwẹrị 14:2

Di Ijowabi va tụ́ nọ ịzị aā hị́ Itekowa dị ọ na sị ọnẹẹ ọnya aanị ana yẹ ịrẹyị hụụ ịzọọ vẹ nị. Ọ́ mẹ̀ na sị ọ dị ọ kà a yọ ka ọ̀ và ịta kú ẹngụ, dị ọ̀ mẹ anka ọza oni oku sú dị aa jị òrèrè avọọ. Ọ kà asị ọ da ịsa sisi ẹngụ, dị ọ̀ sị mẹ̀ ẹ ka o si kú ọnị ọ hụrẹ aa jị òrèrè oku ene sú ọ.

2 Ịsamụwẹrị 19:24

Imehwibọsẹtị ozi Ịsọọrụ oni o re chi na ka ọnị ọ̀ na gẹrị ohinọyị. Ọ yị nyịna ahụ anị, ọ yị kụ́ ọkara irenu anị, ọ yị rẹ nyịna awuru anị hụrẹ ịhị oni ohinọyị sị jịnẹ hụụnị hụrẹ Ijerusarẹmị pooro ne tù ẹkụhị ọnị ọ sị vavẹ ịnị ẹngwọọrọ.

2 Ịsamụwẹrị 6:17

Aza ệ sị apoti Ẹnẹyịmavara vẹ, dị ẹ sị ọ tụ́ ịnị ajẹngụ oni Idevidi jị yọ nị. Di Idevidi mẹ̀ ịsọvọ ana aā rị ịra ọnịrị ịsọvọ ana aa gàa rị yị Ẹnẹyịmavara nị.

2 Ịsamụwẹrị 7:18

Di Idevidi ngụ ajẹngụ na, dị ọ na yaayịtẹ pè Ẹnẹyịmavara dị ọ ka Ẹnẹyịmavara Ochẹtẹẹngụ, sị mị vị ana vị da? Sị aneehi amị vị ọnị ụ maanị nyayịnẹ mẹ ọyịza yị?

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ijoovu 2:10

Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Ahẹ Ụgama 103:1

Vị a vọrọ ka maā sị avaba ayị amịị kụ́ Ẹnẹyịmavara nị, â vọrọ ka maa kụ́ ọ avọ.

Ahẹ Ụgama 103:8

Ẹnẹyịmavara vị anaā vayị ọza ẹtẹẹtẹrẹ, ọ mā hụra kụ́ ayị, ama oō sì ịrẹyị ọza ẹtẹẹtẹrẹ.

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ịrẹyị Ọzwọzịsa 9:8

Wee hine ayị nịnị dị waa jẹ ịrajẹ nịnị pooro kẹnẹ.

Imatiwu 6:17

Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ,

Iruuku 7:46

Wẹ yị rẹ sị angwẹ sisi mi ibe; ama eturare ọnẹẹ ọnọnị sị, di ee sii sisi mi ahụ nị.

Iruutu 3:3

Na hụ enyi dị wa dá ịsa sisi ẹngụ di we chire awuru awụ, di wa nọ ịzị eē tụ́ ịsa. Ama asị ụ zẹẹ ka Ibowazị ọ̀ yẹ ka wụ yà ịzọọ pooro dị ọ rị, dị ò hú.

1 Ịsamụwẹrị 15:25

Aarịhịnị navọ wa sị ayị hụụnị ebira odivi ọnị mị mẹ̀ dị wa saasa mị varẹma, dị ma na hẹkẹ Ẹnẹyịmavara.”

1 Ịsamụwẹrị 15:31

Ịzẹyịza dị Ịsamụwẹrị saasa Ịsọọrụ varẹma dị ọ na hẹkẹ Ẹnẹyịmavara nị.