2 Ịsamụwẹrị 12:10 - IWE ỌNỊNỊ

¹⁰ Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

2 Ịsamụwẹrị 12:10 ပူးပေါင်းရင်းမြစ်များ

Oyinyima 20:3

Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

2 Ịsamụwẹrị 18:33

Ẹngụ ohinọyị ọ sị sụ ẹgahị ọ mẹ̀ vavọọ wụ́, di o zi oze ini ukere oze ịnị ẹkụra hịrẹ nọ ini eehi anị, di o nee sụ́ ùnè nị. Ó mèe sụ́ ùnè dị ọ ka, “Abịsarọmị ozi emi, oo! Abịsarọmị ozi emi, àa yẹ ahịka ẹmị ụvọta ọ yaanị maanị sú nị. Abịsarọmị oo, ozi emi oo!”

1 Ohinọyị 15:5

Idevidi ộ mẹ̀ ebira ana vọrọ ini eyi Ẹnẹyịmavara. A yi nyị ụmẹ ọnị ọ sị sị ahụ jị ọchị nyee ịnị avaba ọda ẹnị Ẹnẹyịmavara mẹ yọ, pooro ịnị ẹhẹ anị, à yị hụhụ vị ịnị ịrẹyị Uriya Anihiti kẹnẹ.

Ụhịrẹyị 17:13

Ọza anaā sịị ọhịmị sị atọ ọyịza, ịrẹyị odivi ẹ yị mā vana ta hụrẹ irehi pàá.

Emọsị 7:9

Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Ịrịka 11:20

ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti?

Imatiwu 26:52

Dị Ijeesu kà a yị ọza ọnọọ ka, “Sị ụhwọ awụ varẹma tụ́ aha anị, agụvị ka ọza ana àa tụ̀ ụhwọ, ụhwọ a vaa sị wụ ọọ nị.

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.