2 Ịsamụwẹrị 11:8 - IWE ỌNỊNỊ

⁸ Di Idevidi rẹ ka, “Ne chi ini eehi awụ dị wa tụ̀ ụhwọ.” Di Uriya hụụnị eehi ịdị ohinọyị nị. Di ohinọyị kụ́ ịsa tù ka à sị na mẹ Uriya ẹyịza nị.

2 Ịsamụwẹrị 11:8 ပူးပေါင်းရင်းမြစ်များ

Oyinyima 18:4

jẹẹ à ká enyi vẹ dị ẹ̀ sị nyịna ahụ ẹnịnị, dị ẹ̀ yà iruvo ọchị ọnọnị dị ẹ̀ẹ tụ́ ụhwọ.

Oyinyima 19:2

Dị ọ ka, “Nda, aarịhịnị ẹ ngụ ini eehi ozida ẹnịnị, dị ẹ sụ ne ẹhẹ. Ọ rẹ ka ẹ̀ Jẹẹ ọnị ọ sị enyi vẹ dị ẹ sị nyịna ahụ ẹnịnị. Ọ kà eyi ọ̀ọ si nị ụhwọọ, dị ẹ kwẹẹtẹ ẹnẹnẹ viri-viri dị ẹ̀ẹ na.” Dị anggẹẹrị ẹnẹẹ ka, “Eyiye, ọ jẹẹ ẹnị ẹ̀ sụ ini orere.”

Oyinyima 43:24

Ozi ahụ ọnọọ ọ raà kụ́ aza ẹnẹẹ nọ ini eehi Ijosẹẹhụ dị ọ ká enyi yị wa ka ẹ̀ sị nyịna ahụ nị. Dị ọ rẹ sị ịsọyịrị yị ịkẹrịkẹtẹ ẹnịnị nị.

Oyinyima 43:34

Di Ijosẹẹhụ ka à da ịsa anị na yị wa nị, dị ahịka ịsa Ịbẹnjamịnị ọ banyị hu ẹẹnị ana vọ nị. Ịsa anị ô huna ẹẹnịnị oze ẹẹhị. Di ẹnịrị Ijosẹẹhụ hú echee, e mè zụ hú kẹnẹ nị.

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Ayịsaya 29:15

Wa sị dà nịnị, ẹwụ nịnị ana aa mẹ eto di ụ ka asị Ẹnẹyịmavara yẹ nịnị. Mị ka wa sị dà nịnị, ẹwụ nịnị ene ee weree mẹ ịrẹyị di wee ro o nịnị ka ẹ yị nyị ọza ene ee re wu nịnị. Ụ ka ẹ yị nyị ọza ana yẹ ịsị waa mẹ nịnị.

Iruuku 12:2

Ẹ yị nyị ịsa ana a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

Iruuku 7:44

Di Ijeesu và eyi ká ọnẹẹ ọnọọ, dị ọ kà a yị Ịsayịmọnị ka, “U wee re ọnẹẹ ọnọnị? Mâ vẹ ini eehi awụ, wẹ yị ká enyi mị ka ma sị nyịna ahụ. Ama ẹgọ anị ọ́nị sị nyịna ahụ amị, dị ọ sị ẹyị ịrẹsụ anị nyee yọ nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.