2 Ịsamụwẹrị 11:6 - IWE ỌNỊNỊ

⁶ Di Idevidi tụ́ hi Ijowabi dị ọ ka ọ̀ hị́ Uriya Anihiti va yị ọnị nị. Ịzẹyịza di Ijowabi ka Uriya ò ve ne tù Idevidi nị.

2 Ịsamụwẹrị 11:6 ပူးပေါင်းရင်းမြစ်များ

Oyinyima 4:7

Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

2 Ịsamụwẹrị 11:5

Ọnẹẹ ọnọọ véè zyẹẹ, dị ọ tụ́ na kà a yị Idevidi ka oni ee zyẹẹ oo.

2 Ịsamụwẹrị 11:7

Uriya o ne si tù Idevidi. Di Idevidi họ̀ ọ dị ọ ka, “Ijowabi ọ́ọ́ dahi? Isoja ana vọ ẹ́ẹ́ dahi? Ịrẹkụ mẹmẹ yà kẹ?”

2 Ịsamụwẹrị 23:39

Uriya Anihiti Avaba aza ẹnẹnị vị ẹnị ohurẹẹwụ tụra ịhịmba.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Imatiwu 26:70

Dị Ipita aa kụ́ éyi avaba ẹnịnị nị, dị ọ ka, “Mẹ yị yẹ ịsụ waa kà aanị.”

Imatiwu 26:72

Dị Ipita raa kụ́ nị, dị aa hyeku, dị ọ ka ọnị ọ yị yẹ ọza ọnọọ nị.

Imatiwu 26:74

Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”