2 Ịsamụwẹrị 11:11 - IWE ỌNỊNỊ

¹¹ Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

2 Ịsamụwẹrị 11:11 ပူးပေါင်းရင်းမြစ်များ

2 Ịsamụwẹrị 11:10

Di a va kà a yị Idevidi ka Uriya ọ yị nọ ini eehi anị ộ! Di Idevidi hị́ Uriya dị ọ ka, “Ụsẹ ọnị ụ zị vẹ ô noze. Sị ẹ vẹ di wè yi chi nọ ini eehi awụ?”

2 Ịsamụwẹrị 14:19

Di ohinọyị ka Ijowabi ộ nyị ụvọ tụ́ ịnị avaba ịrẹyị ọnọnị. Dị ọnẹẹ ọnọọ ka, “Ada ayị Taarụ Ohinọyị, avọọ yịị yọ. We yi cheeche vụrụ-vụrụ ịnị avaba ịrẹyị ọnị ụ kà aanị.

2 Ịsamụwẹrị 20:6

Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”

2 Ịsamụwẹrị 7:2

Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

2 Ịsamụwẹrị 7:6

Kà a ka m mẹ̀ hụrẹ kụ́ Anisirẹrị nịnị hụrẹ Ijipiti pooro ve tù ajịnị, mẹ yị yà ini irehi. Ma raà hụrẹ aha ẹnyị na ngụ aha ọsa ịnị ajẹngụ mị yị yà nị.

Ịrịka 32:6

Dị Imosiisi họ̀ wa ka, ẹnịnị wáá ya ịzọọ dị ẹ ha ẹtẹ tụ́ Anisirẹrị ana vọ ka ẹẹ nọ ịrẹkụ?

Ịjọọnụ 13:14

Ẹmị, ọga awụ nịnị ọnịrị Ananyị-wụ nịnị, ọ̀ọ nyịna ahụ awụ nịnị, â vọrọ ka ẹwụ nịnị ọ̀ rẹẹ nyịna ẹngụ ahụ.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

1 Ịsamụwẹrị 1:26

Dị Ịhaana kà, “Nda, wáá kụkụ yẹ mị aanị? Ẹmị ma vị ọnẹẹ ana jẹẹ ịzẹnị aa mẹ̀ aduwa hi Ẹnẹyịmavara ịhị ọnọọ nị.

1 Ịsamụwẹrị 14:18

Dị Ịsọọrụ kà a yị Ahija dị ọ ka ọ̀ sị apoti oto Ohomorihi vẹ nị. (Apoti ọnọọ vị ana yà ịda Anisirẹrị nịnị ịnị ụmẹ ọnọọ.)

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 4:4

Ịzẹyịza dị ẹ tụ́ nọ Isiro dị ẹ na sị apoti oto Ohomorihi vẹ nị. Apoti ọnọọ vị ana jẹẹ yị ịzị Ẹnẹyịmavara Ochẹtẹẹngụ yà; icherubi ẹẹva vị ana maanị yà eyi ẹyịva apoti ọnọọ di e và eyi kà ẹngụ. Ezi Eri ẹyịva ana aā hí Ihohwini ọnịrị Ihwinehasi ẹ sị eyi pè apoti ọnọọ tụ́ Isiro nị. Ẹnị ẹyịva ẹnẹẹ vị ana saasa apoti ọnọọ vẹ.