2 Ịsamụwẹrị 11:1 - IWE ỌNỊNỊ

¹ Ịrayị mẹ̀ rẹ sị gẹ, o si tù ụmẹ oni ohinọyị nịnịị̄ sịị naa kụ̀ ịrẹkụ. Di Idevidi tụ́ Ijowabi ọnịrị aza ohinọyị ne beri avaba isoja Anisirẹrị ka ẹ̀ nọ ịrẹkụ Anamọnị nịnị, dị ẹ wụ̀ wa nị. Di isoja Anisirẹrị nịnị kụ́ na kara ẹkụra Ịraba nị. Idevidi ọnị yà Ijerusarẹmị ịjọnọọ.

2 Ịsamụwẹrị 11:1 ပူးပေါင်းရင်းမြစ်များ

2 Ịsamụwẹrị 10:14

Anamọnị mè re ka Anarami e zi zwe, dị ẹnị re si zwe hụụ ịda Abisayi na ngụ ịnị ẹkụra nị. Di Ijowabi varẹma hụrẹ ịrẹkụ Anamọnị dị o si hu aa vẹ Ijerusarẹmị nị.

1 Ohinọyị 20:22

A mẹ̀ maanị sị ịrẹkụ ọnọnị kụ̀ kẹnẹ, dị ọnịsẹ ọnọọ re tere pè ohinọyị Anisirẹrị dị ọ kà a yọ ka, “Ne tenyi ẹngụ awụ o, di wa yẹ ịsị a vọrọ ka wa mẹ. Yẹ o ka ụmẹ aanị ụpẹ ọsa, ohinọyị Anisiriya aa kụ́ ịrẹkụ vaavẹ ve tù wụ.”

1 Ohinọyị 20:26

Ịzẹyịza ọ mẹ̀ sị mẹ ịrayị ọnya, di Ịbẹnịhadadị kụ́ Anasiriya, dị ẹ hịrẹ nọ ẹkụra ana aā hị́ Ahwẹkị ka ẹnịrị Anisirẹrị ẹ̀ na kụ̀ ịrẹkụ nị.

1 Ịtọpa 20:1

 nyị ụmẹ ọnya aanị ịnị ị̀rẹ̀sụ̀ ana vana vẹ. Ụmẹ ọnọọ ohinọyị nịnị sịị nọ ịrẹkụ nị. Ijowabi ộ kụ isoja ẹnịnị, dị ẹ kụ́ ịrẹkụ nọ ẹtẹ Amọnị nị. Ama ohinọyị Idevidi vana yị yà Ijerusarẹmị. Ẹnịnị ệ họ̀ kara ẹkụra ana aā hị́ Ịraba. Ệ kụ́ ịrẹkụ tu ọ, di e vu ọ ẹtẹ nị.

2 Ịtọpa 36:10

Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.

Ahẹ Ụgama 60:9

Ohomorihi, ẹnị ẹ vaa sị mịị nọ ịnị ẹkụra Edomi ana a jị ọvọ kara anị?

Ịrẹyị Ọzwọzịsa 3:8

Aa nyị ụmẹ ene e sii sì ịrẹyị ọza, dị a nyị ụmẹ ana a sịị nyị ịhyẹrẹ ọza nị. Aa nyị ụmẹ ịrẹkụ, dị a nyị ụmẹ ẹngwọọrọ nị.

Ijeremaya 49:2

Ọ kà ụmẹ aa vẹ, ọnị ọnị vee nowu ịrẹkụ, dị ọnị mẹ ka aza ana ra ẹtẹ Ịraba ẹ̀ wụ ọ. A vaa jị ọ eburu, dị aa rị ẹkụra eweyi-eweyi ana kara a ịra zẹtẹ. Ịjọnọọ, Anisirẹrị nịnị vaa dọ ẹtẹ ẹnịnị varẹma hụụnị ụvọ aza ana dọ wa ẹtẹ.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ezikẹẹrị 21:20

Ọnyara vaa zụ̀ ohinọyị Ịbabịrọnị oze naa ngụ ẹkụra Anaamọnị, ana ya ẹtẹ Ịraba. Dị ọ sa na ngụ Ijerusarẹmị, ẹtẹ Ijuda.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Ịzakaraya 14:3

Ẹnẹyịmavara vaa va eyi ịrẹkụ ka avaba anẹkụra ẹnẹẹ anka ộ vịdị mẹ̀ ẹ avọọ.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.