2 Ịsamụwẹrị 10:5 - IWE ỌNỊNỊ

⁵ Ịjị a va kà a yi Idevidi, dị ọ tụ́ ka à na gẹrị aza ẹnẹẹ nị. Aza ẹnẹẹ vị ana a mẹ̀ ụhị nyị ẹtẹẹtẹrẹ. Dị Idevidi ohinọyị tụ́ hi wa ka ẹ̀ jẹẹ Ijeriko pooro dị ịrẹwa ẹnịnị ò nyị, dị ẹ̀ vavẹ.

2 Ịsamụwẹrị 10:5 ပူးပေါင်းရင်းမြစ်များ

2 Ịsamụwẹrị 10:4

Ihanuni mẹ̀ vavọọ wụ́, dị ọ za aza oni Idevidi tụ́ na, dị ọ kụ̀ achẹva ịrẹwa ẹnịnị nị. Dị ẹ rẹ za wa awuru dị ẹ yẹrẹ ẹ hụụnị akakana na ngụ iruvo nị. Ịjị ẹ vavọọ sị wa mẹ, dị ẹ dụ wa varẹma nị.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

1 Ohinọyị 16:34

Ịnị ụmẹ Ahabị, Ihiyeri ana vị Anịbẹtẹrị si tenyi ẹkụra Ijeriko dà nị. Abiramị ozi ọzọkụ Ihiyeri vị ene sú Ihiyeri mè nyima aa dà ẹkụra ọnọọ, Di ozi anị ana vị ozweyi ana aā hị́ Isegubi oni re sú ịhị ọnị ọ sị ukere chire oze ọbanyị ẹkụra ọnọọ nị. Ẹnẹyịmavara ộ vịdị ra à mẹ ka Ijosuwa ozi Inuni ọ kà a tịtẹ ịnị ụmẹ ọnya ka avọọ ọ mẹ̀ yà nị.

1 Ịtọpa 19:5

Ọ sị wa dụ, ama ẹnịnị ẹ yị nyayịnẹ va nọ eehi agụvị ụhị aa nyị wa. Ịjị Idevidi wụ ịsị ana mẹ, dị ọ tụ na kà a yị aza ọnị ọ́ tụ ụtụ aanị ka ẹnịnị ẹ̀ yà Ijeriko pooro dị ịrẹwa ẹnịnị è hi, dị ẹ̀ va vavẹ nị.

Ijosuwa 6:1

Ụmẹ ọnọọ, oze ovwoovu ẹkụra Ijeriko vị ana a hụvị Anisirẹrị nịnị chire nganganga. Ẹ yị nyị ọza ana zụ ngụ ịnị ẹkụra, ẹ yị rẹ nyị ọza ana zụ jịnẹ tụ ẹhẹ.