2 Ịsamụwẹrị 10:19 - IWE ỌNỊNỊ

¹⁹ Ịjị ohinọyị ana vọ ana vịdị vị ozi ahụ Ihadadeza re ka Anisirẹrị ẹ sị wa huna, dị ẹ ka ẹmịrị Anisirẹrị ọ yị kụkụ zyaazị nị. Dị ẹ kụkụ va vara ọrịhị Anisirẹrị nị. Angwa kuku ee hi Anamọnị nịnị, dị ẹ yị kụkụ nyayịnẹ na gụ Anamọnị nịnị ụvọ nị.

2 Ịsamụwẹrị 10:19 ပူးပေါင်းရင်းမြစ်များ

2 Ịsamụwẹrị 8:3

A rẹ nyị ụmẹ ọnya di ohinọyị Izoba ana aā hị́ Ihadadeza ana vi ozi Ịrẹhọbị sì ka ọnị ọ̀ varẹma na dọ ẹtẹ ana yà ụtọ Okuha Iyuhwireti nị. Di Idevidi na, dị ọnịrị ọ kụ̀ ịrẹkụ, di Idevidi hu ọ ẹtẹ nị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ohinọyị 20:1

Ịnị ụmẹ ọnya â nyị ohinọyị Anasiriya ọnya aanị ana aā hị́ Ịbẹnịhadadị, ụmẹ ọnya dị ọ kụ́ avaba isoja anị gụ nị. Dị a nyị ohinọyị ọsa, ẹnị ohurẹẹwụ tụra ẹẹva ana na vaka a nị. Ẹnịnị ệ nyị umaata ịrẹkụ, dị ẹ na dị ẹ na kara ẹkụra Ịsamarịya, di eyee pè wa kụ̀ ịrẹkụ nị.

1 Ịtọpa 19:19

Ịjị ẹnị ohinọyị ọnị Ihadadeza vịdị aa mẹ ohii tụra sị yẹ ka Anisirẹrị nịnị e reè huna ẹnị, dị ẹ na, dị ẹnịnị Idevidi tangwa ne tenyi ịrẹyị ẹnịnị nị. Dị Idevidi kụkụ aa mẹ ohii yị wa nị. Hụrị ụmẹ avọọ Anisiriya nịnị ẹ yị vana dọ ka ẹnị ẹ̀ na mẹ ọgụvọ yị Anamọnị nịnị.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ịdanịyẹrị 2:37

Dị ọ ka ohinọyị ọ taarụ nị, Ohomorihi ana mẹ ẹbẹẹba ọ mẹ̀ ẹ ka ọ̀ vị ohinọyị ene huna ohinọyị nịnị nị, dị ọ mẹ ka ọ̀ nyị ụkata ọnịrị ụbanyị nị.

Ijosuwa 11:10

Ịnị ụmẹ ọnọọ, Ijosuwa sị vara eyi dị rị Ịhazọ, dị ọ sị ụ̀hwọ̀ wụ̀ ohinọyị ẹkụra ọnọọ nị. Ịhazọ ọ vị ohirẹsụ ẹkụra ana vọ nị.

Ẹtore 18:10

Ẹnịnị vaa jẹẹ ẹnẹẹnẹ, agụvị ka angwa ụya ana aa rị ọ ee hi wa. Dị ẹ ka: Kwaa-kwaa! Ho! Ịbabịrọnị ẹkụra ọbanyị ana maanị nyị ụkataa? Ịnị ụmẹ chee kẹnẹ ọ́karẹyị awụ tù aanị nịị?

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.